मौलिक परम्परा संरक्षणमा ल्होछार कार्यक्रमले सहयोग पुग्छ : ललित घलान

मनहरी । मकवानपुर जिल्ला समन्वय समिति मकवानपुरका प्रमुख ललित घलानले मौलिक परम्परा संरक्षणको लागि सोनाम ल्होछार कार्यक्रमले सहयोग पुग्ने बताउनुभएको छ । आइतबार मनहरीमा आयोजित मञ्जुश्री सम्वत् २८५९ ह्योई ल्हो(बिरालो बर्ग) सोनाम ल्होछार साँस्कृतिक कार्यक्रमलाई सम्बोधन गर्नुहुँदै उहाँले यस्तो बताउनुभएको हो ।

संस्कृति र कला, भेषभुषा र भाषाको संरक्षण गरी परम्पराको जगेर्नालाई ल्होछार कार्यक्रमले सहयोग पुग्ने उहाँको भनाइ छ । जसले गर्दा लामा गुरुहरुले मौलिक पराम्परालाई संरक्षण गर्न इतिहास खतल्न अवश्यक रहेको जानकारी दिनुभयो ।

यस्तै कार्यक्रममा ८० बर्षभन्दा माथिका २४ जना ज्येष्ठ नागरिकलाई सम्मान गरिएको छ । राष्ट्रिय चर्चित तथा स्थानीय तामाङ तथा प्रजा कलाकारहरुले गायन र नृत्य प्रस्तुत गरेका थिए ।कलाकारहरु हरी योञ्जन, सुन्दर लामा, रविन कुमार चेपाङ, प्रकाश तामाङ र उर्मिला प्रजा , बालिका तामाङ लगायतले सांगीतिक प्रस्तुति दिएका छन् ।

ल्होछार मेला आयोजक मुल समारोह समितिका संयोजक सुरेश मुक्तानको सभाध्यक्ष तथा जिसस प्रमुख घलानको प्रमुख आतिथ्यमा कार्यक्रम भएको हो । तामाङ पत्रकार संघ बागमती प्रदेशका उपाध्यक्ष ज्ञानेन्द्र तामाङले ल्होछार पर्वबारे सबैले बुझ्न आवश्यक रहेको जानकारी दिनुभयो । ल्होछार मुल समारोह समिति तथा तामाङ पत्रकार संघको आयोजनामा कार्यक्रम भएको हो ।

कार्यक्रममा संबिधान सभा सदस्य राजराम स्याङतान , बागमति प्रदेश सभाका निवर्तमान सदस्या ओम ग्लान ,माओवादी केन्द्र बागमति प्रदेश कमिटिका सचिवालय सदस्य वीर बहादुर घलान (ज्वाला) , नेपाल तामाङ घेदुङका पुर्व केन्दिय सदस्य जानकी लामा , , मनहरी गाँउपालिकाका उपाध्यक्ष सीता पुलामी मगर , राक्सिराङ गाँउपालिकाका उपाध्यक्ष बनस्तम थिङ ,, नेपाल तामाङ घेदुङ मकवानपुरका सदस्य मानिक लाल मुक्तान , लगाएतका बिभिन्न व्यक्तिहरुको आथित्यता रहेको थियो ।

ि