मेयर पकेट कार्यक्रम अन्तर्गत थाहा २ मा कृषि सामाग्री वितरण

आर्थिक वर्ष २०८०/०८१ का लागि स्वीकृत भएको मेयर वडा स्तरीय तरकारी पकेट प्याकेज कार्यक्रम अन्तर्गत थाहा नगरपालिकाको वडा न २  मा कृषि सामाग्री वितरण गरिएको छ।
  अघिल्लो वर्षको पकेट कार्यक्रम निरन्तरताको लागि प्राप्त संघीय सशर्त तर्फको रु.पाच लाख बजेट (५०% अनुदानमा) श्री जनता कृषक समूह, थाहा-२ द्वारा कृषकहरुमा २२ वटा मिनिटिलर ७ एच पि( पेट्रोल )र एउटा पानी तान्ने पम्प वितरण गरिएको कृषि शाखा प्रमुख सन्जय तिवारीले जानकारी दिए।
साथै वडा न २ को यसै आर्थिक बर्षको बजेट बाट ५० वटा स्प्रे पम्प समेत वितरण गरिएको थियो।
कार्यक्रममा थाहा नगरपालिकाका प्रमुख बिष्णु बिष्टले नगरलाई तरकारीको पकेट क्षेत्रका रुपमा विकास गर्न पाउनु नगरको लागि ठूलो अवसर भएको बताए । ‘हाम्रो नगर कृषि र पर्यटनमा आधारित नगर हो’, उनले भने "किसानको हितका निम्ति हुने कामलाई नगरपालिका एकचित्त भएर सहयोग गर्न तयार रहेको बताए "।
कार्यक्रममा थाहा नगरपालिकाका उपप्रमुख भरत गोपाली ,प्रमुख प्रशासकीय अधिकृत कृष्ण गिरी,२ न वडा अध्यक्ष बम बहादुर सिङ्तान,कृषि विकास अधिकृत बिकाश विक,कृषि शाखाका सहायक राजकुमार श्रेष्ठ ,वडा कृषि प्राविधिक,वडा जनप्रतिनिधिहरु तथा किसानहरुको उपस्थिति रहेको थियो।
यस कार्यक्रमको लागि पालिकाले ३६ लाख रुपियाँ बजेट विनियोजन गरेको छ भने २० लाखको कार्यक्रम वडा न ९ मा भएको थियो।

स्वीकृत कार्यक्रमका लागि पालिकाको कृषि विकास शाखाले १ भाद्रमा सूचना प्रकाशन गरी किसानहरुबाट प्रस्ताव माग गरेको थियो । तरकारी पकेट कार्यक्रम संचालन निर्देशिका अनुसार गरिने कार्यक्रम थाहा नगरपालिका क्षेत्रमा ३ वटा कार्यक्रम कम्तीमा १४० रोपनी क्षेत्रफलका दरले संचालन गरिने कृषि शाखा प्रमुख सन्जय तिवारीले बताउनुभयो।