नेपाल गोजोरियो करातको उद्घाटन, ७५ जनाको ग्रेडिङ  

मकवानपुर, नेपाल गोजोरियो कराते दो संघ शाखा दोजो थाहा नगरको उद्घाटन गरिएको छ । आज  शनिबार एक कार्यक्रमको बिच उद्घाटन साथै  ग्रेडिङ समेत गरिएको हो । 
थाहा नगरपालिका ३ स्थित जेसीज हलमा भएको कार्यक्रममा दोजो थाहा नगरको प्रशिक्षक मानसिंङ दोङको सभाध्यक्षता रहेको  थियो भने कार्यक्रममा थाहा नगर प्रमुख लवशेर विष्टको प्रमुख आतिथ्यता  रहेको थियो । सो अवसरमा एक सय वीस जना प्रशिक्षार्थीहरुमध्य ७५ जनाको ग्रेडिङ गरिएको प्रशिक्षक मानसिंङ दोङले जानकारी दिएका छन् ।
कार्यक्रमको विशेष अतिथि समेत रहेका नेपाल गोजोरियो कराते दो संघका केन्द्रीय सचिव सानोबाबु गिरी र सदस्य विजय अधिकारीले २५ जना महिला र ५० जना पुरुष  प्रशिक्षार्थीहरुलाई ग्रेडिङ परीक्ष मार्पmत दोस्रो तहमा सिफारिस गरेका  थिए ।
थाहा नगरपालिका वडा नम्बर ३ घट्टेचौरमा विगत ३  महिना अघिदेखि प्रशिक्षण शुरु भएको थियोे । प्रशिक्षणमा ४० महिलासहित ८०  जना प्रशिक्षार्थीहरु रहेकाछन् । प्रशिक्षार्थीहरुलाई प्रशिक्षक मानसिंह दोङले प्रशिक्षण दिइरहेका छन् । दोङ नेपाल गोजुरियो कराँतेका राष्ट्रिय रेफ्री हुन् भने मकवानपुरका प्रमुख प्रशिक्षक हुन् । प्रशिक्षणमा थाहा नगरसहित कैलाश गाउँपालिकाको दुम्सीखर्क, डाँडाखर्क,े नामटार तथा धादिङ क्षेत्रका प्रशिक्षार्थीहरु रहेका छन् । 
कार्यक्रममा प्रदेश नं ३ को कराते स्वमसेवक राजिवकुमार स्याङतान, थाहानगरपालिका नेकपाको अध्यक्ष अरुण रायमाझी, राजनीतिक सल्लाहकार विष्णु विष्ट (आर्दश), वडा नं ५ का वडा अध्यक्ष विष्णु गुरुङ, वडा नं ७ का सदस्य दिपेन्द्र कुमार थिङ, पालुङ इलाका प्रहरी कार्यलयका प्रमुख लोकबहादुर गुरुङ, वर्ष २०१९का जेसीज अध्यक्ष कुमार नेगी, थाहा कला केन्द्रको अध्यक्ष सानोबाबु मोक्तान , सुन्दरी देवी माध्यमिक विद्यालयको व्यावस्थापन समितिको अध्यक्ष विनायक गोले लगाएतको उपस्थिति रहेका थियो ।