बुढो बेर्ना,गाठे रोग र प्रतिकुल मौसमको कारण काउली १० दिनमै फुल्यो-कृषि प्राविधिक

जेष्ठ २९ गते थाहा नगरपालिका वडा नं ३ शिखरकोटकी किसान रुकु रायमाझीले लगाएको काउलिको बिरुवा  १० दिनमा काउली फुल्यो भन्ने समाचार थाहापाटिमा प्रकाशित भएपछी थाहा नगरपालिका कृषि शाखाले छानवीन नै गरेको छ।
 गुनासोको छानविन गर्न भनी थाहा नगरपालिका कृषि विकास शाखाबाट मिति  साल जेष्ठ ३० गते कृषि अधिकृत विकास वि क, प्रा.स. बालकुमारी भट्टराई, ना.प्रा.स. राजकुमार श्रेष्ठ र वडा प्राविधिकहरु रोहिणी स्याङ्गतान र विनिता विष्ट सहितको टोलिले  स्थलगत निरिक्षण गरेको कृषि शाखाले जानकारी दिएको छ । 

नगर कृषि शाखाबाट निरीक्षणको क्रममा कृषकसँग सोधपुछ गरी बुझदा कृषकले  ह्वाईट टप  (अगौटे) जातको काउली लगाएको पाइयको र त्यहाँ देखिएका केही समस्याहरुमा ६० दिने ह्वाईट टप काउलीको बेर्ना लाई १ महिना भन्दा बढी  बुढो बेर्ना सारेकोले समस्या आएको कृषि अधिकृत विकास विकले बताउनुभयो । अधिकृत विककाअनुसार  बिउ राख्ने,उमार्ने,ब्याडमानै गाँठे रोगको सँक्रमण रहेको र  केही समयदेखि लगातारको खडेरी र उच्च तापक्रमको प्रभावका कारण बिरुवा बढ्न नसकेको र अहिलेको बाली भन्दा अघि गँहु लगाएको तथा  पर्याप्त मलखाद पनि नपुगेको हुँदा यस्तो समस्या आयको बताउदै पुजा एग्रोभेटबाट खरिद गरि ल्याएको बीउमा रहेको यथार्थ संकेतपत्रअनुसार बीउ म्याद ननाघेको र उमारशक्ति पनि सहि रहेको बताए । 

कृषि अधिकृत (कृषि स्नातक) विकास वि क ले  कृषकले पनि सम्बन्धित वडा कृषि प्राविधिकमार्फत वा प्रत्यक्षरुपमा नगरको कृषि विकास शाखाबाट आफना खेतबारीमा विधमान प्राविधिक समस्याहरुबारे सल्लाह लिन आग्रह गर्दै  हाल कृषकको फिल्ड अनुगमनबाट समस्याहरु यकिन गरि सुझावहरु प्रदान गरिदै आएको कुरा जानकारी गराउनुभएको छ ।
 कृषि विकास अधिकृत सँजय तिवारीले आगामी दिनमा थाहा नगरभित्र प्राविधिक सेवा तथा अनुदानका कार्यक्रमहरुलाई सर्वहारा कृषक वर्गलाई सम्बोधन गर्ने र सहज बनाउन लागिपरिरहेको उल्लेख गर्दै  हाल विधमान सामाजिक सँजालमा थाहाको कृषि क्षेत्रमा कृषि विकास शाखाले कुनै पहल नगरेको भनि प्रोपागाण्डा जस्ता समाचारहरु फैलिएको र सत्यतथ्यरहित समाचारले खबरदारी भन्दा पनि भ्रम फैलाँउने बताए।