प्रथम निष्पक्ष जिल्ला स्तरीय रनिङ्ग शिल्डको उपाधी वागेश्वरी लाई

थाहाको बाराही चौरमा जारी प्रथम निष्पक्ष जिल्ला स्तरीय रनिङ शिल्ड भलिबलको उपाधी वागेश्वरी युवा क्लवले हात पारेको छ।
आज भएको फाइनल खेलमा बागेश्वरीले आयोजक निष्पक्ष युवा क्लव बि लाई ३ -१ को सेटमा पराजित गर्दै उपाधी हातपार्न सफल भएको हो।
जित संगै वागेश्वरीले नगद ६१ हजार सहित शिल्ड ,मेडल तथा प्रमाणपत्र प्राप्त गरेको छ भने दोश्रो स्थानमा चित्त बुझाएको आयोजकले नगद ३१ हजार सहित ट्रफी मेडल तथा प्रमाणपत्र प्राप्त गरेको छ।
प्रतियोगितामा तेश्रो भएको आमभन्ज्याङ युवा क्लबले नगद १६ हजार प्राप्त गरेको छ।
प्रतियोगितामा वागेश्वरी युवा क्लवका कोच किरण गिरी उत्कृष्ट कोच हुन सफल रहे भने वागेश्वरीकै खेलाडी सविन कार्की प्रतियोगिताकै उत्कृष्ट खेलाडी हुदा बेस्ट स्पाइकर मनिस तामाङ हुँदा बेस्ट ड्रीफेन्ट रोशन गोपाली र बेस्ट लिफ्टर राजकुमार कर्मचार्य आयोजक टिम बाट बन्न सफल रहे ,बेस्ट ब्लकरको  उपाधी भने आमभन्ज्याङ युवा क्लवका अनिस घलान हुन सफल रहे।
प्रतियोगितामा बिजयी टिम र खेलाडिहरुलाई प्रमुख अतिथी नेपाल निर्माण व्यावसायी महासंघका पुर्व अध्यक्ष जयराम लामिछाने तथा बिशिस्ट अतिथी थाहा नगरपालिकाका उपप्रमुख भरत गोपालीले पुरस्कार प्रदान गरेका थिए ।
निष्पक्ष युवा क्लवका अध्यक्ष बिजेन्द्र गोपालीको अध्यक्षतामा सम्पन्न समापन तथा पुरस्कार वितरण समारोहमा थाहा नगरपालिका खेलकुद विकास संयोजक टिकाराम स्याङ्तान,वडा न १ का अध्यक्ष हेरमान गोपाली लगायतका खेलप्रेमीको उपस्थिति रहेको थियो।
क्लव स्थापनाको २० बर्ष पछि पहिलो पटक प्रतियोगिताको आयोजना गरियको क्लवका अध्यक्ष बिजेन्द्र गोपालीले जानकारी दिएका छन।