पालुङ जेसीज कप ब्याडमिन्टनको उपाधी नरेन्द्र र देवलाई

थाहा नगरस्तरीय जेसीज कप डबल ब्याडमिन्टन प्रतियोगिताको उपाधी  नरेन्द्र मोक्तान र देव अर्यालको टिमलेले हात पारेको छ । 
थाहा नगरपालिका वडा नम्बर ४ क्याम्पाडाँडाको कबर्डहलमा सम्पन्न प्रतियोगितामा रोमाञ्चक खेलमा जित हातपारे संगै बिजेताले १० हजार नगद सहित ट्रफी,मेडल हात पारे।
उपबिजेता बन्न सफल संग्राम खत्री र मधुसूदन चौधरीको टिमलेले नगद ७ हजार सहित ट्रफी मेडल हात पारे।
प्रतियोगितामा उत्कृष्ट खेलाडी संग्राम खत्री हुन सफल भए खत्रीले नगद २५ सय सहित ट्रफी हात पारे।

१३ भाद्रबाट शुरु भएको खेल लिग अन्तर्गत खेलाइएको प्रतियोगितामा १३ वटा टिमको सभागिता रहेको थियो |
पालुङ जेसीजका अध्यक्ष निरज रायमाझीको अध्यक्षता तथा थाहा नगर खेलकुद विकास समिती संयोजक टिकाराम स्याङ्तानको प्रमुख आतिथ्यतामा सम्पन्न समापन समारोहमा वडा न ३ का अध्यक्ष हिरेन्द्र कुमार रायमाझी,वडा न ४ का अध्यक्ष नारायण लामा,खेलकुद विकास समिती थाहा नगरका पुर्व संयोजक राजेश केसी,ईलाका प्रहरी कार्यालय पालुङका प्रमुख श्याम थापा मगर,पालुङ जेसीजका पुर्व अध्यक्षहरुको उपस्थिति रहेको थियो।
 प्रतियोगिताका लागि प्रथम पुरस्कार स्वर्गीय रणबहादुर रायमाझीले प्रायोजन गर्ने भएका छन् । स्वर्गीय रणबहादुर पालुङ जेसीजका अध्यक्ष निरजका हजुरबुवा हुन् ।

थाहा नगरपालिका वडा नम्बर ३ को सहयोगमा भएको प्रतियोगिता पालुङ जेसिजले आयोजना गरेको हो । प्रतियोगिताको समन्वय ब्याडमिन्टन संघ थाहानगर, फरक सोच र शिखर क्लबले गरेको थियो। प्रतियोगिताको मिडिया पार्टनरहरुमा पालिका प्रेस डटकम, थाहापाटी, थाहा टाइम्स, बाइरोड न्यूज, दामन एफएम र टिम टेलिभिजन हेटौंडा रहेको थियो । सन् २००० मा स्थापना भएको पालुङ जेसिजले विभिन्न सामाजिक कार्यहरु गर्दै आएको छ ।