नवीनतम खोज,अविष्कार तथा नवप्रवर्तन सम्बन्धि विद्यालय स्तरीय अभिमुखिकरण

नवीनतम खोज,अविष्कार तथा नवप्रवर्तन सम्बन्धि विद्यालय स्तरीय अभिमुखिकरण कार्यक्रम जनकल्याण माध्यामिक विद्यालयमा सम्पन्न भएको छ।
बागमती प्रदेशमै पहिलोपटक विद्यालय स्तरमा भएको कार्यक्रम बागमती प्रदेश सरकारको सामाजिक बिकास मन्त्रालय अन्तर्गत युवा बैज्ञानिक प्रोत्साहन कोष ललितपुरको आयोजनामा कार्यक्रम भएको हो।
नगरका मत्स्यनारायण माबी,जनकल्याण माबी र झम्केश्वरी माबिका कक्षा ९ र १० मा अध्यनरत बिज्ञानका विद्यार्थी तथा शिक्षकको उपस्थिति रहेको अभिमुखिकरण कार्यक्रममा डाक्टर गिरीराज त्रीपाठीले सहजीकरण गरेका थिए।
जनकल्याण माबिका विद्यालय व्यवस्थापन समितिका अध्यक्ष राजिव कुमार स्याङ्तानको अध्यक्षता तथा युवा बैज्ञानिक कोषको अध्यक्ष समेत रहनुभएका सामाजिक विकास मन्त्री कुमारी मोक्तानको प्रमुख आतिथ्यतामा भएको कार्यक्रममा विद्यालयका प्रधानाध्यापक सानोभाइ कार्की,वडा न ३ का अध्यक्ष हिरेन्द्र रायमाझी,सामाजिक विकास मन्त्रालयका गोपाल प्रसाद कंडेल,थाहा नगर शिक्षा शाखा प्रमुख माधव विक्रम मल्ल लगायत युवा बैज्ञानिक हरुको उपस्थिती रहेको थियो।
कार्यक्रमलाई रमा खतिवडाले संचालन गरेका थिए।