खेल

नगर स्तरीय भलिबलको उपाधी थाहा २ न वडालाई

फोटो:-श्रीकृष्ण श्रेष्ठ

थाहा नगरपालिका वडा न ५ फुर्केमा बिजया दशमीको अवसर पारेर भएको थाहा नगरपालिका स्तरीय भलिबल प्रतियोगिताको उपाधी थाहा वडा न २ ले हात पारेको छ।
प्रतियोगिताको फाइनलमा सोल्टु युवा क्लवले खेलकुद विकास समिति वडा न ६ लाई पराजित गर्दै उपाधी जितेको हो।
थाहा नगरपालिकाको आयोजना तथा थाहा ५ खेलकुद बिकास समिती फुर्के बसन्तको व्यवस्थापनमा सौगात स्मृति भलिबल प्रतियोगीताको उपाधी संगै वडाले नगद ५१ हजार सहित ट्रफी ,मेडल तथा प्रमाणपत्र हात पारेको छ।
कार्तिक १ गते बाट फुर्के खेलमैदानमा सुरु भएको प्रतियोगितामा उत्कृष्ट खेलाडी मनिष तामाङ,उदयमान खेलाडी प्रवेश कार्की हुँदा बेस्ट सेटर सागर तामाङ,बेस्ट स्पाइकर बलराम सुवेदी र बेस्ट लिब्रो सुनिल गुरुङ हुन सफल रहे ।
प्रतियोगितामा खेलकुद विकास समिती वडा न ६ ले दोश्रो हुँदै नगद ३० हजार सहित ट्रफी ,मेडल तथा प्रमाणपत्र प्राप्त गर्दा तेस्रो हुने खेलकुद विकास समिती थाहा ५ ले नगद १५ हजार सहित ट्रफी,मेडल र प्रमाणपत्र प्राप्त गरे।
खेलकुद विकास समिती थाहा ५ का अध्यक्ष पुरुषोत्तम गुरुङको सभापतित्व तथा नगर प्रमुख बिष्णु बिष्टको प्रमुख आतिथ्यतामा सम्पन्न समापन कार्यक्रममा नगर खेलकुद विकास समिती सदस्य राजकुमार बलामी ,वडा न ५ का अध्यक्ष बिष्णु बहादुर गुरुङ,वडा न १ का अध्यक्ष हेरमान गोपाली २ का बम बहादुर सिन्तान लगायतका उपस्तिथि रहेको थियो।