दामनको भ्यू टावरमा नयाँ दुरबिन जडान, भोलिबाट दृष्यावलोकन गर्न पाईने

 दामन स्थीत भ्यु टावरमा नयाँ दुरबिन जडान भए पछि भोलिदेखि खुल्ने भएको छ । २०७६ साल चैत्रदेखी बन्द रहेको दामनको भ्यु टावर भोलिबाट खुल्न लागेको हो ।  दामन भ्यू टावरमा २५×१०० मेगापिक्सल क्षमताको डिजिटल दुरबिन जडान गरिएको र  उक्त दुरबिनको क्षमता पहिलाको दुरबिनको भन्दा १० मेगापिक्सल बढी रहेको र यसबाट देखिने दृश्य पनि उच्चतम क्वालिटि को रहेने बताईएको छ ।
बन्द भएको तीन वर्ष पछि दामन स्थीत भ्यूटावर संचालनमा आउन लागको हो । भ्यु टावर लगायत  अन्य भौतिक संरचनाहरुको पुनः मर्मत सम्भार गर्नुपर्ने भएकोले  विगत जस्तै  खाने र बस्ने  सुबिधा हाललाई  उपलब्ध नभए पनि अहिलेको स्थितिमानै भ्यु टावर मात्र संचालनमा आउने थाहा नगरपालिका वडा नं.४ का अध्यक्ष दिपक सिङ लामाले बताए ।
प्रती ब्यक्ति टिकट खरिद गर्दा साथमा एउटा सिक्का पाईने छ  र सो सिक्का दुरबिनमा ईन्सर्ट गरे पश्चात ३ मिनेट सम्म मात्र चल्ने छ । पुनः दुरबिनबाट हेर्न मन लागेमा अर्को नयाँ सिक्का इन्सर्ट गर्नुपर्ने हुन्छ  । टिकटको शुल्क भने स्थानीय,राष्ट्रिय अन्तराष्ट्रिय पर्यटकहरुको हकमा फरक फरक हुने बताईएको छ ।

 थाहा  नगरपालिकाको कार्यालयले नेपालकै पहिलो भ्यु टावर  ब्यबस्थित तवरले संचालन गर्न  योजना तयार पारिरहेको र सो पछि मर्मत सम्भार गरि पुर्ण रुपमा संचालन गरिने पनि  वडा नं.४ का अध्यक्ष दिपक सिङ लामाले बताए ।
भ्यु टावरमा जडान भएको नयाँ दुरबिनको १८ लाखमा खरिद गरिएको हो ।