मकवानपुर थाहानगरमा भैरहेको थाहा फिल्म फेस्टिभलमा ११ मंसिरमा नेपाली कथानक चलचित्र ‘ऐना झ्यालको पुतली’ प्रदर्शन गरिएको छ । बालबालिका केन्द्रित गरी प्रदर्शनी गरिएको चलचित्रले दर्शकहरुलाई दृश्यभाषाको मीठो स्वाद चखाएको छ । चलचित्र अवलोकनका लागि थाहानगरका विभिन्न विद्यालयका विद्यार्थी, शिक्षक तथा अभिभावकहरुको समेत उल्लेख्य सहभागिता थियो ।
फेस्टिभलमा जनकल्याण माविका प्रधानाध्यापक सानोभाई कार्की, स्थानीय अभिभावकहरु तथा राजनीतिक दलका नेताहरुको समेत सहभागिता रहेको थियो । १५ मंसिरसम्म सञ्चालन हुने गरी थाहा कला केन्द्रको आयोजनामा भैरहेको फिल्म फेस्टिभलमा चलचित्र ‘ऐना झ्यालको पुतली’ हेरेपछि बाल्यकाललाई फन्को मारेर आएजस्तो अनुभूति भएको अभिभावकहरुले प्रतिक्रिया दिए । सुजित बिडारीबाट निर्देशित यस चलचित्रले दर्शकलाई सुदूर अतीतमा लैजान्छ र भविष्यप्रति इमान्दार बन्न प्रेरित गर्ने सन्देश दिने अभिभावकहरुले उल्लेख गरे ।
यस चलचित्रको एकैसाथ सरल र सुन्दर कला हुनसक्नु यसको विशेषता हो । जीवनमा मामुली कुराले अर्थ राख्छन् । ‘ऐना झ्यालको पुतली’ यहि बाल्यकालको मामुली क्षणहरुको ‘कोलाज’ हो । सानो मनले भोगेका दुःख, सुख, हाँसो, रोदन र उच्छवासका ठूला अनुभूतिहरु चलचित्रमा समेटिएको छ । यस चलचित्रमा आठ कक्षा पास गरेकी किशोरी विद्या (कञ्चन चिमोरिया) को लक्ष्य सहर गएर ९ र १० कक्षा पढ्ने हुन्छ । अध्ययन र व्यक्तित्व विकासको चाहनालाई उनले घरको विपन्नतासँग सम्झौता गर्नुपर्ने हुन्छ । डेढ घण्टा लामो फिल्मको केन्द्रीय द्वन्द्वले विद्या वरपर फन्को मार्छ । केन्द्रमा प्रमुख पात्रले अभाव र गरिबीसँग गर्नुपर्ने संघर्ष चित्रण गरेको छ ।
यो फिल्म एक परिवारको कथा हो जुन नेपाली विपन्न परिवारसँग जोडिएको छ । निर्देशक तथा लेखकले कथालाई समाजसँग सिधै जोडेर पात्रको चाहनामार्फत व्यवस्था र सत्तालाई प्रश्न सोधेका छन् । यो फिल्म लाखौं विद्याहरुको कथा पनि हो, जसले साना सपनालाई वर्गीय असमानाभित्र तिलाञ्जली दिनुपरेको छ । उत्कर्ष दृश्य यति जीवन्त छ कि दृश्यभाषाको सुन्दर प्रस्तुतिको रुपमा स्मरणीय हुनेछ ।
यो फिल्मको प्रोडक्सन भव्य छैन तर, जीवन्त छ । सहरभन्दा परको ग्रामीण वातावरणमा रहेर मानवीय संवेदनाको गहिराइमा कथा भन्छ । लोकेसनको ताजापन र गाउँले सेटिङले आँखालाई शीतल बनाउँछ । निष्कर्षमा, ‘ऐना झ्यालको पुतली’ उत्कृष्ट फिल्म हो ।
फेस्टिभलमा फिल्म प्रदर्शन लगतै प्रतिक्रिया दिदै निर्देशक सुजित बिडारीले भने–‘चलचित्र मनोरन्जनको माध्यम मात्रै हैन चलचित्रले समाजलाइ यथार्थपरक चित्रण गरि समाज परिवर्तन गर्न ठूलो भुमिका निर्वाह गरेको छ र गरिरहेको पनि छ ।’ समाजमा चलचित्र र चलचित्रकर्मीलाई हेर्ने नजर अझै पनि फराकिलो बन्न नसकेको निर्देशक विडारीको तर्क छ । विविध फेस्टिभल तथा कार्यक्रमहरुले चलचित्रलाई हेर्ने दृष्टिकोण परिवर्तन गर्न मद्दत गर्ने उनको विश्वास छ । थाहा फिल्म फेस्टिभलले पनि यस कुरामा भरथेग गर्ने बताउँदै खुशी व्यक्त गरे ।
मकवानपुरको थाहा नगरपालिका–३ निवासी अनुप विष्टको हराएको पर्स सशस्त्र प्रहरीले फेला पारी सम्बन्धित व्यक्तिलाई...
मकवानपुरको थाहा नगरपालिका–९ चित्लाङ माझगाउँमा यसवर्ष वाणासुरको कथामा आधारित कार्तिके नाच प्रदर्शन हुने भएको...
मकवानपुरको थाहा नगरपालिका–९ चित्लाङ माझगाउँमा यसवर्ष वाणासुरको कथामा आधारित कार्तिके नाच प्रदर्शन हुने भएको...
मकवानपुरको थाहा नगरपालिका–३ निवासी अनुप विष्टको हराएको पर्स सशस्त्र प्रहरीले फेला पारी सम्बन्धित व्यक्तिलाई...
मकवानपुरको थाहा नगरपालिका–२ अंगारेका युवा समाजसेवी माधव कार्कीले थाहाका विभिन्न मठमन्दिरको संरक्षण,...
नेपाली कांग्रेस थाहा नगर समितिले दसैँ, तिहार, नेपाल संवत् ११४७ तथा छठ पर्वको अवसरमा शुभकामना आदान–प्रदान तथा...
थाहा । मकवानपुरको थाहा नगरपालिका–२, अंगारेका युवा समाजसेवी माधव कार्कीले पालुङस्थित इन्द्रायणी मन्दिरमा...
दामन। मकवानपुरको थाहा नगरपालिका–दामनस्थित पर्वतीय वनस्पति उद्यानमा वनस्पति खेतीसम्बन्धी प्राविधिक...
थाहा । महांकाल युवा क्लब थाहा–११ को आयोजनामा विजयादशमीको अवसरमा नगरस्तरीय खुला ९ ए साइड फुटबल प्रतियोगिता...
भदौ १० गते भोटेकोशीमा आएको विनाशकारी बाढीमा अभिभावक गुमाएका पालिकाभित्रका बालबालिकाको पठनपाठनको जिम्मा थाहा...
मकवानपुर । मकवानपुरको थाहा नगरपालिका–१ मा अरिङ्गाल पोल्ने क्रममा रुखबाट खसेर घाइते भएका एक युवकको उपचारका...
