थाहा गोल्डकप :- क्वाटरफाइनल समिकरण पुरा(हेर्नुस कुन कुन टिम पुगे)

थाहा नगरपालिकाको इन्द्रायणी खेल मैदानमा जारी चौथो थाहा गोल्डकपको लिग चरणको खेल सक्कियको छ।नकआउट चरणमा खेलाइयको प्रतियोगितामा आज शिखर क्लवले अन्तिम खेल जितेसंगै लिग चरणको खेल सक्कियको हो। अब क्वाटरफाइनल खेल भोलि पुस ३० गते ११ बजे देखि हुने थाहा नगर खेलकुद विकास समिति सदस्य यादव जंग रायमाझीले जानकारी दिनुभयो। थाहा नगरपालिका खेलकुद विकास समितिको आयोजनामा जारी प्रतियोगितामा १८ टिमको सहभागीता रहेकोमा ८ टिम क्वाटरफाइनलमा पुगेका छन।भोलिबाट हुने क्वाटरफाइनलमा पहिलो खेल माउन्टेन एफ सी र इन्द्र सरोबर गाउँपालिका बिच हुनेछ भने दोस्रो खेल न्यु प्रगतिशील र पारिजात स्मृति पुस्तकालय बिच दिउँसो १ बजे हुनेछ तेसैगरी माघ १ गते जुङ्गेखोला योङ क्लव र चन्द्रागिरी स्पोर्ट्स बिच पहिलो खेल बिहान ११ बजे र दोस्रो खेल थाहा नगरपालिका र शिखर क्लव बिच दिउँसो १ बजे हुने रायमाझीले बताए । प्रतियोगितामा प्रथम हुने टिमले नगद २ लाख सहित ट्रफी मेडल र प्रमाणपत्र र दोश्रो हुने टिमले नगद १ लाख सहित मेडल तथा प्रमाणपत्रका साथै बिधागत उत्कृष्ट हुने खेलाडिले मेडल तथा नगद पुरस्कार पाउने छन।