थाहा-कैलाश वडा स्तरीय भलिवलको उपाधी थाहा २ लाई

थाहा नगरपालिकाको डाँडाबासमा जारी थाहा र कैलाशको वडा स्तरीय पुरुष भलिबल प्रतियोगिताको उपाधी खेलकुद बिकास समिति वडा न २ ले हात पारेको छ। वडा न ७ को डाँडाबास खेल मैदानमा भएको फाइनलमा आयोजक सल्ले राम्चे युवा क्लब ए लाई १५-२५,२५-२१,२१-२५,२५-२२,१५-९ को अन्तरले  प्रतिस्पर्धात्मक खेलमा पराजित गर्दै उपाधी चुमेको हो।
प्रतियोगिताको तेस्रो स्थानको लागि ससक्त र थाहा ५ बिच भएको खेलमा थाहा ५ बिजयी हुँदै तेस्रो भयो ।
प्रतियोगितामा प्रथम भएसंगै वडा न २ ले  ५१ हजार १ सय ५१ नगद सहित शिल्ड मेडल तथा प्रमाणपत्र प्राप्त गरेभने उपबिजेता भएको आयोजक ए टिमले ३१ हजार १ सय ३१ नगद सहित शिल्ड,मेडल र प्रमाणपत्र प्राप्त गरे भने  तृतीय हुने थाहा ५ टिमले १३ हजार १ सय १३ नगद सहित शिल्ड,मेडल र प्रमाणपत्र प्राप्त गरे ।
प्रतियोगितामा आयोजक सल्ले राम्चे युवा क्लव बि का प्रतीक वाइवा उदियमान खेलाडी घोषित हुँदा थाहा ५ का पुजन गुरुङ,वेष्ट सर्भर,आयोजक ए का अनिल मोक्तानले वेष्ट डिफेन्डर,थाहा २ का प्रवेश कार्की वेष्ट ब्लकर,थाहा २ कै सागर तामाङ वेष्ट सेटर घोषित भए भने आयोजक ए का रमेश थिङ वेष्ट स्पाइकर र थाहा २ का सुजल कार्की उत्कृष्ट खेलाडी घोषित भए ।बिधागत उत्कृष्ट खेलाडिहरुले पनि नगद तथा ट्रफी पुरुस्कार पाए।
प्रतियोगितामा बिजयी टिम तथा खेलाडीलाई कार्यक्रमका प्रमुख अतिथी नगर प्रमुख बिष्णु बिष्ट,उपप्रमुख भरत गोपाली,प्रमुख प्रशासकीय अधिकृत कृष्ण गिरी लगायतका अथिथिहरुले पुरस्कार तथा प्रमाणपत्र प्रदान गरेका थिए।
प्रतियोगिताको संयोजक सुजिन्द्र गोलेको सभापतित्वमा सम्पन्न समापन समारोहमा वडा न २ का अध्यक्ष बम बहादुर सिन्तान,वडा न ६ का अध्यक्ष राजनभक्त श्रेष्ठ,वडा न ७ का अध्यक्ष शिवराज थिङ,८ का हेम कुमार थिङ,इलाका प्रहरी कार्यालय पालुङका प्रमुख सविन बाबू अर्याल ,वडा सदस्यहरु,विभिन्न संघसंस्थाका प्रतिनिधिहरुको उपस्तिथि रहेको थियो।