थाहामा शुरु भयो थाहा गोल्ड कप फुटबल प्रतिगोगिता

मकवानपुर थाहा नगरपालिकामा आजबाट थाहा गोल्ड कप फुटबल प्रतियोगिता शुरु भएको भएको छ । थाहा नगरपालिकाको मुख्य आर्थिक सहयोगमा थाहानगरको इन्द्रायणी चौरमा आज थाहा नगरपालिकाका उप प्रमुख खड्ग गोपालीले प्रतियोगिताको उद्घाटन गर्नु भएको हो । 

प्रतिगोगिता उद्घाटन गर्दै उप प्रमुख गोपालीले खेलकुदको विकास गर्न नगरपालिकाले सधै साथ र सहयोग गर्ने बताउनु भयो । 
कार्यक्रममा थाहा नगरपालिकाका जनप्रतिनिधि स्थानिय राजनितिक दलका नेता कार्यकर्ता संघ सस्थाका प्रतिनिधि लगाएल खेल प्रेमी सर्वसाधारणको सहभागिता थियो । 
ऋषेश्वर ११ क्लब ले आयोजना गरेको प्रतियोगितामा ३२ टिम सहभागी भएका छन् । प्रतियोगिता नाइन  ‘ए’ साईड हुने आयोजकले जनाएको छ । 
प्रतियोगितामा प्रथम पुरस्कार १ लाख रुपियाँ नगद तथा दोस्रो हुने टिमलाई ५० हजार रुपियाँ पुरस्कार राशी रहेको क्लबका सुमन विष्टले जानकारी दिए । टिम दर्ताको लागि ५ हजार रुपियाँ तोकिएको छ ।  

थाहानगरमा खेलकुदको माध्यमबाट पर्यटनको विकास गर्ने, थाहानगरका उत्कृष्ट फुटबल खेलाडीहरुको पहिचान गर्ने, स्थानीय दर्शकहरुलाइ खेलको माध्यमबाट स्वस्थ मनोरञ्जन प्रदान गर्ने, खेलाडीहरुमा विकास, अनुशासन र गतिशीलताको भावना वृद्धि गर्ने लगायतको उद्देश्यले प्रतियोगिताको आयोजना गरिएको विष्टले जानकारी दिए । 
दोस्रो थाहा गोल्ड कप फुटबल प्रतियोगिता खुल्ला प्रतियोगिता हुने उनले बताए ।  प्रतियोगितामा नेपाल भित्रका विभिन्न टिमले भाग लिएका छन् ।