जेसीज र थाहा नगरपालिका ९ बजे फाइनल भिड्दै

पालुङ जेसीजको वर्ष २०२४ को सप्ताहव्यापी कार्यक्रम अन्तरगतको छैठौं दिन शुक्रवार जेसीज कप मैत्रीपूर्ण फुटबल भएको छ ।

प्रतियोगितामा आयोजक पालुङ जेसीज, थाहा नगरपालिका, नेपाल लेखापढी ब्यवशायी संघ, बैंक तथा बित्तीय संस्थाका कर्मचारी गरि ४ टिमको सहभागिता रहेको थियो ।
शुक्रवार भएको २ खेलबाट प्रतियोगिताको फाईनलमा पुग्ने २ टिम छनोट भएका छन् ।
थाहा नगरको इन्द्रायणी चौरमा भएको प्रतियोगितामा आयोजक पालुङ जेसीजले बैंक तथा बित्तीय संस्थाका कर्मचारी टिमलाई २-१ गोल अन्तरले पराजित गरि आयोजक पालुङ जेसीज फाईनल प्रवेश गरेको हो ।
त्यस्तै थाहा नगरपालिका कर्मचारी टिमले नेपाल लेखापढी ब्यवशायी टिमलाई २-० गोल अन्तरले पराजित गरि थाहा नगरले फाइनल यात्रा तय गरेको हो ।

प्रतियोगिताको उपाधिका लागि आज शनिबार बिहान ९ बजे आयोजक पालुङ जेसीज र थाहा नगरपालिका बिच फाईनल खेल हुने पालुङ जेसीज बर्ष २०२४ का महासचिव बिक्रम गोपालीले बताए ।
शनिबार अन्जय प्रधानको संयोजकत्वमा दिउँसो २ बजेदेखि जेसीज सभाहलमा सम्मान र जेसीज सप्ताह समापन कार्यक्रम हुने आयोजकले जनाएको छ ।
कार्यक्रममा थाहानगरमा कृषि, खेलकुद, पर्यटन, शिक्षा,स्वास्थ्य, खेलकुद लगायतका बिधामा उत्कृष्ट कार्य गर्ने १० जना ब्याक्तित्वलाई सम्मान गर्नुका साथै जेसीज सप्ताह अन्तरगत भएका कार्यक्रममा उत्कृष्ट हुनेलाई पुरस्कार, प्रशंसापत्र वितरण गर्ने कार्यक्रम समेत रहेको पालुङ जेसीज बर्ष २०२४ का अध्यक्ष निरज रायमाझीले बताए।