जिल्ला स्तरीय रनिङ शिल्डको उपाधी थाहाको सहिद सुनिता स्मृति प्रतिस्ठानलाई।

मकवानपुरगढी गाउँपालिकामा स्थित आमभञ्याङमा भएको पहिलो जिल्ला स्तरीय रनिङ शिल्ड भलिवल प्रतियोगितामा थाहा नगरपालिका वडा नंबर १ को सहिद सुनिता स्मृति प्रतिष्ठान विजेता भएको हो ।
शनिबार भएको फाईनल खेलमा प्रतिष्ठानले आयोजक आमभञ्याङ युवा क्लबलाई पराजित गर्दै जितको उपाधि पाउँन सफल भएको हो  भने उपाधि विजेता प्रतिष्ठानले नगद ६६ हजार ६ सय ६६ रुपैँया सहित शिल्ड, मेडल तथा प्रमाणपत्र प्राप्त गर्न सफल भएको हो ।
त्यस्तै गरि उपविजेता आमभञ्याङले ३३ हजार ३ सय ३३ रुपैँया सहित शिल्ड, मेडल तथा प्रमाणपत्र प्राप्त गरेको हो भने तेश्रो स्थानमा पर्दै आग्रा खेलकुद विकास समितिले नगद १५ हजार सहित शिल्ड, मेडल तथा प्रमाणपत्र प्राप्त गरेको छ 
छाहारी क्लबले सान्त्वना अन्तरगर्त ५ हजार रुपैया प्राप्त गरेको छ ।
प्रतियोगितामा आग्राका सविन कार्की वेष्ट ब्लकर प्रतिष्ठानका राजकुमार कर्मचार्य वेष्ट सेटर, आमभञ्याङका आषिश घलान वेष्ट स्पाईकर तथा प्रतिष्ठानकै राजाराम घलान वेष्ट प्लेयर हुँदै नगद पाँच पाँच हजार सहित ट्रफि पाउँन सफल भए ।
सोही कार्यक्रममा प्रतियोगिताका संयोजक इन्द्र प्रसाद सञ्जेललाई आयोजक क्लबले विषेश सम्मान र पत्रकार धर्मेन्द्र दाहाललाई स्वर्गीय केशवलाल स्मृति पत्रकारिता पुरस्कारबाट नगद ११ हजार १ सय ११ सहित सम्मानपत्रद्वारा सम्मानित गरिएको छ ।
राष्ट्रिय भलिवल टिमका मुख्य प्रशिक्षक स्वर्गिय केशवलाल श्रेष्ठको स्मृतिमा स्थापिते ‘स्वर्गिय केशवलाल श्रेष्ठ स्मृति पत्रकारिता पुरस्कार–२०७८’ बाट दाहाललाई सम्मातिन गरिएको हो । कार्यक्रममा मकवानपुरगढी गाउँपालिका अध्यक्ष विदुर हुँमागाई सहित अतिथिहरुले सम्मान गर्दै पुरस्कार प्रदान गरेका थिए ।रातोसमाचार डट कम बाट