जिल्ला स्तरीय खुला कराते प्रतियोगिताको उपाधी बकैया लाई

थाहा नगरपालिका खेलकुद विकास समितिको आयोजना तथा थाहा कराते महासंघको व्यवस्थापनमा आज भएको प्रथम  जिल्ला स्तरीय खुला कराते प्रतियोगिता २०८१ सम्पन्न भएको छ ।
थाहा नगरपालिकाको नगर उप प्रमुख भरत गोपालीले उद्घाटन गर्नुभएको एक दिने जिल्ला स्तरीय कराते प्रतियोगितामा ९ स्वर्ण सहित बकैया गाउँपालिकाको बकैया कराते डोजो टिम प्रथम हुँदै ट्रफी हातपार्न सफल भएको छ।बकैयाले ९ स्वर्ण सहित ७ रजत तथा ७ कास्य पदक हात पारेको थियो तेसैगरी ६ स्वर्ण पदक जित्दै स्वच्छन्द भैरव कराते डोजो चित्लाङ  टिम दोस्रो हुन सफल भयो दोस्रो भएको स्वच्छन्दले २ रजत र ९ कास्य हात पार्यो भने ३ स्वर्ण पदक ,४ रजत पदक र ६ कास्य  जित्दै थाहा कराते डोजो  टिम तेस्रो भएको थियो ।
प्रतियोगितामा पुरुष तर्फ स्वच्छन्द भैरव डोजोका इनेश बलामी उत्कृष्ट खेलाडी घोषणा हुँदा थाहा डोजोकी सुस्मिता दोङ महिलातर्फ उत्कृष्ट खेलाडी हुन सफल रहे।
थाहा नगरपालिका खेलकुद विकास समिति संयोजक टिकाराम स्याङ्तानको अध्यक्षतामा सम्पन्न प्रतियोगिता  समारोहमा थाहा नगर उपप्रमुख भरत गोपालीले थाहा नगरपालिकाले खेलकुद क्षेत्रको विकासको लागि सहयोग गर्दै आएको बताउनुभयो । उहाँले नगरमा आयोजना हुने सबै खेललाई समान महत्व दिएको धारणा व्यक्त गर्नुभयो । खेलाडी राष्ट्रका गहना भएकाले अनुशासित भएर खेल्नु पर्नेमा सुझाव दिनुभयो।
प्रतियोगितामा जिल्लाका ९ वटा डोजोको सहभागिता रहेको प्रतियोगिताका संयोजक मानसिं दोङले जानकारी दिए।
प्रतियोगितामा बकैया डोजो,स्वच्छन्द भैरव डोजो,थाहा डोजो,लवट डोजो,मकवानपुर डोजो,बज्रवाराही डोजो,बागमती डोजो,हेटौंडा डोजो,थानाभर्याङ डोजो र गढी डोजोको सहभागिता रहेको थियो।

कार्यक्रममा थाहा ९ का अध्यक्ष राजकुमार बलामी,पालुङ बहुउद्देश्यीय सहकारीका अध्यक्ष कृष्ण बहादुर बिष्ट,शुन्दरीदेवी माबिका प्रअ हरिकृष्ण  कार्की,प्रशिक्षणक तथा रेफ्री हरुको उपस्थिति रहेको थियो।