जिरी भलिबल :- थाहा नगर फाइनल प्रवेश,उपाधिको लागि भरतपुर संग भिड्ने।

जिरीमा जारी भलिबल प्रतियोगितामा थाहा नगरपालिका फाइनलमा प्रवेश गरेको छ।
 सेमिफाइनलको पहिलो खेलमा रामेछापको गोकुलगंगा गाउँपालिका र चितवनको भरतपुर महानगरपालिकाबीच प्रतिस्पर्धा भएकोमा भरतपुर महानगरपालिले जित निकालेको छ । प्रमुख दावेदारको रुपमा प्रस्तुत भएको गोकुलगंगालाई सेमिफाइनलमा पुगेर भरतपुरले पछि सारेको हो ।

लिखु तामाकोशी र थाहा नगरपालिकाबीच भएको  दोस्रो सेमिफाइनमा थाहा नगरपालिकाले जित हात पार्दै फाइनल प्रवेश गरेको छ। 
उपाधिको लागि थाहा नगरपालिका र भरतपुर महानगरपालिका बिच खेल हुने छ।

खेलाडी हरुलाइ हौसला प्रदान गर्न थाहा नगर प्रमुख बिष्णु बिष्ट ,उपप्रमुख भरत गोपाली,थाहा नगर खेलकुद विकास समिती सदस्य राजकुमार बलामी,सामाजिक बिकास शाखा प्रमुख अनिल लामिछाने यतिखेर जिरिमा हुनुहुन्छ।
 जिरी च्याम्पियनसिप स्पोर्टस फेस्टिबल अन्तर्गत खुला भलिबल प्रतियोगिताको पहिलो पुरस्कार १ लाख ५१ हजार रहेको छ भने दोश्रो, तेश्रो र सान्तवना पुरस्कार क्रमश १ लाख १ हजार, ५१ हजार र २५ हजार रुपैयाँ रहेको छ । जिरी च्याम्पियनसिप अन्तर्गत भलिबल बाहेक अन्य धेरै खेलहरु गर्ने योजना भएपनि हाललाई स्थगित गरिएको आयोजकले जनाएको छ । भलबल बाहेक केही खेल मात्रै भएका छन् । प्रतियोगिताका विजेताहरुलाई आजै पुरस्कार वितरण गरिनेछ ।

जिरी नगरपालिका र युवा सञ्जाल जिरीको आयोजनामा भएको जिरी च्याम्पियनसिप प्रतियोगिताको समापण आज हुनेछ । प्रदेशसभा सदस्य कुण्दनराज काफ्लेबाट उद्घाटन गरिएको च्याम्पियनसिप प्रतियोगिताको समापन संघीय सभा सदस्य गंगा कार्कीबाट हुने युवा सञ्जाल जिरीले जनाएको छ ।