गरीखाने बर्गलाई उत्पादन सङ जोड्नु छ:-नगर प्रमुख आदर्श ।

खेती,किसानी र कृषि कर्म गर्न लाज मान्ने तर बेरोजगार छु भनेर चिन्ता लिने शैक्षिक बेरोजगारहरु अहिलेको मुख्य समस्या रहेको र यस्लाइ ब्यबस्थापन कसरी गर्ने?भन्नेमा नगरपालिका चिन्तित रहेको नगर प्रमुख बिष्णु बिष्ट आदर्शले बताउनुभयको छ।जेठ २९ आइतबार थाहा नगरको १२ न वडा जगडाडामा थाहा नगर पशुसेवा शाखा र लघु उद्यम बिकास शाखाले आयोजना गरेको सात दिने दुग्ध उत्पादन तथा दुग्ध पदार्थबाट बन्ने परिकार बनाउने तालिम समापन समारोहलाई सम्बोधन गर्दै प्रमुख बिष्टले सोकुरा बताउनु भएको हो।नगर प्रमुख बिष्टले नगरपालिकाको आधार नै कृषि ,पर्यटन भएकोले यस्ता खाले कृषि ,पशु उद्यम व्यावसाय संचालन गर्न युवाहरूलाई प्रोत्साहन गर्न प्राथमिकताका साथ विभिन्न अनुदान तथा तालिमको ब्यबस्था गरेको बताउदै जगडाडाका दुग्ध कृषकहरुले दुग्ध पदार्थ बाट उत्पादित बस्तुलाइ ब्यबस्थित बजारीकरण गर्न तत्कालको आबश्यकता रहेको बताउदै यसको लागि नगरले यथोचित तवरले सम्बोधन गर्ने बताउदै थाहाका सबै कामगरिखाने बर्गलाइ उत्पादन सङ जोड्दै रोजगारीको श्रीजना गर्नुनै नगरको लक्ष रहेको बताउनुभयो।
तेसै गरि समापन समारोहमा आफ्नो मन्तव्य राख्दै थाहा नगरका प्रमुख प्रशासकीय अधिकृत हरीलाल पुरीले जगडाडाका किसानलाई भैंसी अनुदानमा दिई एस क्षेत्रलाई भैंसी पालन पकेट क्षेत्र घोषणा गर्दा आफुले यत्तिको प्रगतिको आश नगरेको बताउदै आज आएर राम्रो काम गरियछ भन्ने आभास भएको भन्दै ,नगरलाई अब यहाँका दुग्ध किसानले उत्पादन गरेकी बस्तु बजारीकरण गर्न चिन्ता बढेको बताउदै ,सिकेको सिपलाइ कार्यान्वयनमा जोड दिन आग्रह गर्दै सहभागीहरु लाई शुभकामना दिनुभयो।
तेसै गरि वडा न ११ का निवर्तमान वडा अध्यक्ष किरणमान बलले यस्ता तालिमपछि किसानको भबिस्य बदलिने भन्दै,दुधजन्य परिकारको बजार अन्तर्राष्ट्रिय स्तर सम्म भएकोले जगडाडा लाई  पनि,मिठाइँ ब्यबसायबाटै चिनाउन सकिने हुदा ब्याबसायिकरण नहुदा तालिमको औचित्य नहुने बताउदै जगडाडा को मिठाइँ भनेर चर्चित बनाउने अभिभारा यहिको किसानको काधमा रहेको बताउदै होमस्टे समेत चलाउन सकिने बताउनुभयो।
तालिममा सहभागीता जनायका सहभागीहरुले उद्योग खोल्न नगरपालिकाले सहयोग गर्नुपर्ने ,दुध संकलन सहज बनाउन सडक स्तरोन्नति तथा संकलन गर्न चिस्यान केन्द्र र बजारको उचित ब्यबस्था पुरा भए ब्यबसाय गर्न प्रतिबद्ध रहेको बतायका थिय।
समारोहमा थाहा नगर पशुसेवा प्रमुख राघवेन्द्र मिश्र ,कृषि शाखा प्रमुख सन्जय तिवारी ,प्रशिक्षक जयराम गिरी,वडा न १२ का अध्यक्ष टिकाराम स्याङ्तान,लघु उद्यम थाहा नगरकी सहजकर्ता दिक्षा पाण्डे ,थाहा नगर जेष्ठ नागरिक संजालका उपाध्यक्ष प्रेम बहादुर आलेमगर,डाडिघाट वर्ण शंकर बाख्रा प्रजनन फर्मका पङ्गल तामाङ्ग,लगायतकाले तालिममा सहभागी हरुलाइ शुभकामना दियका थिय।
सयपत्री कृषि तथा पशुपक्षि कृषक समुहका अध्यक्ष क्षेत्र बहादुर आलेमगरको अध्यक्षतामा कार्यक्रम सम्पन्न भएको थियो।थाहा नगरको पशु बिकास शाखा र लघु उद्यम बिकास शाखाको आर्थिक सहयोगमा ७ दिन सम्म चलेको मिठाइँ बनाउने तालिममा ३२ जना दुग्ध किसानको सहभागिता रहेको थियो भने तालिममा सहभागीहरुले पनिर,खुवा,लालमोहन,बर्फी,पेडा,रवडी,कुल्फी,रसवरी,दहि,परिकार बनाउन सिकेका छन।