करातेमा बज्रबाराही डोजो प्रथम।

थाहा नगरपालिकाको आयोजना तथा नेपाल गोजुरियो कराँते दोसंघ शाखा दोजो थाहाको व्यवस्थापनमा थाहा नगरमा पहिलो पटक नगर स्तरीय कराँते प्रतियोगिता सम्पन्न भएको छ । पुस ९ गते पालुङ बहुमुखि क्याम्पसको प्राङ्गणमा भएको प्रतियोगितामा ६५ जना खेलाडिहरुले सहभागिता जनाएका थिए । प्रथम पटक भएको कराँते प्रतियोगितामा प्रतियोगिता अवलोकन गर्न आउने खेलप्रमीहरुले क्याम्पसको प्राङ्गण भरिएको थियो । नेपाल गोजुरियो कराँते दोसंघका केन्द्रिय प्रतिनिधिहरु तथा नेपाल सितेरियो कराँतेका प्रशिक्षकहरुको सहभागितामा प्रतियोगिता सम्पन्न भएको हो । प्रतियोगितामा नेपाल गोजुरियो कराँते दोसंघ काकेन्द्रीय उपाध्यक्ष तथा नेपाल रेफ्रि संयोजक पेम्बा तामाङको संयोजकतवका रेफ्रिहरुले निर्णायकको भूमिका निर्वाह गरेको थियो । लामो समय पछि कराँते प्रतियोगिता भएकोमा खोलाडिहरुले खुसी व्यक्त गरेका थिए । खेलाडिहरुले आफूहरुले दैनिक दुख गरि अभ्यास गरेतापनि यस्तो किसिमको प्रतियोगिताहरु आयोजना नहुने होभने आफूहरुको हौसलामा कमि हुने र आफूहरु अगाडि बढ्न नसक्ने भन्दै प्रतियोगिता आयोजना गरिदिएकोमा नगरपालिकालाई धन्यवाद तथा बेला बेलामा यस्तो प्रतियोगिताहरु सञ्चालनमा ल्याईदिरहन नगरलाई आग्रह समेत गरेका छन् । प्रतियोगितामा महिला तर्फ शाखा दोजो थाहाका सुस्मिता दोङ उत्कृष्ट खेलाडि घोषित हुनुभयो भने पुरुष तर्फ बज्रबाराहिका राजन मगर उत्कृष्ट खेलाडि घोषित भएका छन् । ६५ जना खेलाडिहरुले भिन्नाभिन्नै तौल समूहमा प्रतिस्पर्धा गर्दा टिम च्याम्पियन बज्रबाराहि दोजो र द्धितिय थाहा दोजो भएको छ । 
राष्ट्रको लागि खmेलकुद स्वास्थ्यका लागि खेलकुद भन्ने नारालाई आत्मसाथ गर्दै अगाडि बढ्नका लागि खेलाडि र नगरपालिका विच आपसि सञ्चार प्रभावकारी रुपमा हुनुपर्ने बताउँदै आगामि दिनहरुमा पनि खेलाडिहरुको हौसलामा कमि हुन नदिने थाहा नगरका प्रमूख लवशेर विष्टले उक्त प्रतियोगिताको पुरस्कार वितरण तथा समापन समारोहमा प्रतिबद्धता व्यक्त गर्नूभयो । आफूलाई व्यक्तिगत रुपमा पनि कराँते खेल मन पर्ने र कराँते खेलमा नेपालको सम्भावना बलियो रहेको बताउनुहुँदै थाहाका खेलाडिहरुलाई थप अगाडि बढाउनका लागि आफू लागि पर्ने समेत कार्यक्रममा बोल्दै विष्टले बताउनु भयो । समापन तथा पुरस्कार वितरण कार्यक्रममा थाहा नगर खेलकुद विकास समिति संयोजक राजेश केसी, थाहा नगर सामाजिक विकास समिति संयोजक किरणमान बल, थाहा नगरका राजनैतिक सल्लाहकार विष्ण विष्ट आदर्श, राजनैतिक दलका प्रतिनिधिहरु, स्थानिय संघसंस्थका प्रतिनिधिहरुको उपस्थिति रहेको थियो 

थाहाएक्सप्रेस बाट ।