हाङझाउ, असोज ६ गते । एसियाली खेलकुदको महाकुम्भ १९औं एसियाली खेलकुद प्रतियोगिता (एसियाड) को भब्य उद्घाटनसहित सुभारम्भ भएको छ ।

चीनको हाङझाउस्थित हाङझाउ ओलम्पिक स्पोर्ट्स सेन्टर स्टेडियममा शनिबार भब्य समारोहबिच चिनिया राष्ट्रपति सि जिन पिङले औपचारिक रुपमा उद्घाटन उद्घाटन गर्नुभयो ।

उद्घाटन समारोहमा नेपालका प्रधानमन्त्री पुष्पकमल दाहाल …प्रचण्डÚ, अन्तराष्ट्रिय ओलम्पिक कमिटिका अध्यक्ष, ओलम्पिक काउन्सिल अफ एसियाका कार्यबाहक अध्यक्ष, विभिन्न देशका राष्ट्रप्रमुखको समेत उपस्थिति रहेको थियो ।

एसियाडको औपचारिक उद्घाटन शनिबार गरिएपनि फुटबल, क्रिकेट र भलिबलका खेलहरु चारदिन अघिनै सुरु भईसकेका छन् । 

उद्घाटन समारोहको सुरुमा …वाटर इन अटुमन ग्लोÚ नामक ओपनिङ प्रदर्शन गरिएको थियो । त्यसपछि एसियाडमा सहभागी ४५ वटै देशका खेलाडी र अफिसियलले मार्चपास गरेका थिए । उद्घाटन अवसरमा सहभागि खेलाडी र जजकोतर्फबाट एक एक जनाले सपथ समेत लिएका थिए ।

उद्घाटन समारोहममा एसियाडका लागि तय गरिएको अफिसियल गीत …द लभ वि सेयरÚ को प्रस्तुती पनि दिईएको थियो । उद्घाटन अवसरमा कलाकारले चिनिया सस्कृृति झल्कने रोचक प्रस्तुती समेत पस्किएका थिए । 

उद्घाटन समारोहअघि शनिबार नै  टेबलटेनिस र सेलिङका केही खेल सम्पन्न भएका छन् । एसियाडको उद्घाटन स्थल बिग लोटस स्टेडियम कमलको फूलजस्तै चिटिक्क परेको देखिन्छ । एसियाडको औपचारिक समापन पनि यही स्टेडियममा हुनेछ ।

कोरोना भाईस कोभिड-१९ महामारीका कारण तोकिएको समय भन्दा एक वर्षपछि आयोजना गरिएको यस एसियाडमार्फत चीनले आफू कति सुरक्षित छु भन्ने सन्देश समेत दिएको छ । कोभिड-१९ को महामारी चीनबाटै सुरु भएको थियो । 

१९औं एसियाडको नारा …हार्ट टु हार्टÚ अर्थात मुटु देखि मुटुसम्म भन्ने रहेको छ । उद्घाटन समारोहलाई भब्य र शब्य बनाउन चीनले हजारौं स्वयंसेवक खटाएको थियो । एसियाडका  लागि हाङझाउ शहर समेत बेहुली जस्तै चिटिक्क सजाईएको छ ।एसियाड आयोजना गरिएको यस सहर अलीबाबाका संस्थापक ज्याक माँ को जन्म थलो समेत हो । प्रविधिको शहर मानिने हाङझाउलाई पहाड र तालको शहरको रुपमा पनि चिनिन्छ ।

चीनले तेस्रो पछक एीसयाड आयोजना गरेको हो आयोजनाको दृष्टिले यस एीसयाड अहिलेसम्मकै ठूलो एसियाली खेलकुद प्रतियोगिता हो । खेलाडी सहभागिताको हिसावले यसलाई हालसम्मकै ठूलो एसियाडको रुपमा दिईएको छ ।

४० खेल समावेश यस एसियाडमा १२ हजार ४१७ खेलाडीको सहभागिता रहेको छ । चीनले यसअघि सन् १९९० र २०१० मा एसियाड आयोजना गरेको थियो । १६ दिन चल्ने एसियाडका लागि ५४ खेल स्थल तय गरिएको छ । 

बीरबहादुर र निमाले बोक्कुभयो नेपालको झण्डा

यसैबीच उद्घाटन सत्रमो मार्चपासमा नेपालको झण्डा बीरबहादुर महरा र उशुकी निमा घर्तीमगरले बोक्नुभएको छ । एसियाडमा एक-एक महिला र पुरुष खेलाडीले मार्सपासमा झण्डा बोक्न पाउने नियम अनुसार नेपालबाट दुई खेलाडीले मौका पाउनुभएको हो ।

यस एसियाडमा नेपालबाट २९ खेलमा दुई सय ५३ खेलाडीको सहभागिता रहेको छ । जसमा महिलामा एक सय २७ र पुरुषमा एक सय २६ खेलाडी सहभागी हुनुहुन्छ । यो सहभागिता संख्या एीसयाडमा अहिलेसम्मकै ठूलो हो ।

नेपालले पहिलो पटक महिला फुटबल, महिला भलिबल, महिला ह्यान्डबल, महिला कबड्डी, पुरुष रग्बी, इस्पोर्ट्स र डान्स स्पोर्ट्समा प्रतिस्पर्धा गरेको छ ।

पुरुष भलिबलमा नेपाल यसअघिनै समूह चरणबाट बाहिरिएको छ । नेपालले यसपटक तेक्वान्दो, बक्सिङ र करातेसहित ब्रेकिङ डान्स, इस्पोर्ट्स जस्ता खेलबाट पदकको अआशा गरेको छ ।