स्थानियको सक्रियतामा चिटिक्क पारियोे भ्यू टावर 

नेपालकै पहिलो टावर दामन स्थित भ्यू टावर परिसर सरसफाई गरेर चिटिक्क पारिएको छ । भ्यू टावर संरक्षण अभियानमा जुटेका दामनका स्थानियबासीले आज टावर परिसरमा सरसफाई गरेका हुन् । 
लामो समय देखि भ्यू टावर संचालन नहुँदा टावर परिसर वरपर झार र घाँस उम्रियर फोहर भएको थियो भने भौतिक संरचना पनि जिर्ण बन्दै गए पनि संरक्षणको जिम्मा लिएको थाहा नगरपालिकाले संरक्षणकालागि कुनै पहल कदमी नदेखाएपछि भ्यू टावरको अस्तित्व सकिने भन्दै स्थानियले संरक्षणमा सक्रियता देखाएका हुन् ।  
दामनका स्थानीयवासी १८ जना र दामन शितोष्ण बागवानी फार्मबाट २२ जनको सहभागितामा सरसफाई गरिएको हो । 
स्थानीयहरुको प्रत्यक्ष सहभागिता गएिको सरसफाइबाट संरक्षणको शुरुवात भएको र सरोकारवाला निकायले लामो समय देखि बन्द भई संरक्षण नहुँदा बेवास्था गरेपनि अब दिगो गरि संचालन र संरक्षणमा पहलकदमी गर्ने विश्वास लिएको बजार व्यवस्थापन समितिका पूर्व अध्यक्ष टासी शेर्पाले  बताउनु भयो । 
सरसफाईमा खटिने सबैलाई एभरेस्ट युवा बिकास क्लब र होटेल मङ्गोलिएन थकालिका सन्चालक डोल्मा शेर्पाले खाजाको व्यवस्था गर्नु भएको थियो । 

सरसफाई पछि चिटिक्क भयो भ्यू टावर