Wednesday, 19 Jun, 2024
पर्यटन

लुम्बिनी प्रदेश स्तरीय होमस्टे सम्मेलन सम्पन्न

1710770289353-1710770316.jpg

राजपुर(दाङ), ५ चैत्र/१३ बुँदे कठबेरुवा घोषणापत्र जारी गर्दै प्रथम लुम्बिनी प्रदेश स्तरीय होमस्टे सम्मेलन सम्पन्न भएको छ । चैत ३ गतेदेखि दाङ जिल्लाको राजपुर गाउँपालिकामा ‘प्रकृति, संस्कृति र पर्यटन नेपालको पहिचान : समृद्ध मुलुक निर्माण होमस्टेको अभियान’ भन्ने मूल नारासहित सम्मेलन सुरु भएको थियो । तीन दिनसम्म चलेको सम्मेलन दाङ जिल्लाको राजपुर गाउँपालिका क्षेत्रलाई महुवा पकेट क्षेत्रको रुपमा घोषणा गर्ने माग सहित १३ बँुदे कठबेरुवा घोषणापत्र जारी गर्दै सोमबार सम्पन्न भएको छ । सम्मेलनले होमस्टेको दिगो रुपमा सञ्चालन गर्ने वातावरण निर्माणमा ध्यान दिन तीन तहकै सरकारको ध्यानाकर्षण गराएको छ । होमस्टे महासंघ नेपाल लुम्बिनी प्रदेश अध्यक्ष तिलकराज थारुले हस्ताक्षर गरेको घोषणापत्रमा होमस्टे प्रशिक्षण, तालिम, अभिमुखिकरण जस्ता क्षमता बिकास कार्यक्रमहरुमा एकरुपता कायम गर्नका लागि स्थानिय सरकार, प्रदेश सरकार, लगायत सरोकारवाला निकायसँग सम्पर्क, समन्वय र पहल गर्ने, होमस्टे संचालन तथा प्रवद्र्धनका लागि सरकारी निकायबाट तयार कार्यबिधि, ऐन, कानुनको अध्ययन अनुसन्धान गर्ने, विद्यमान ऐन, कानुन, कार्यविधि समुदायमैत्री बनाउन पहल गर्ने, होमस्टे सम्बन्धी अनुभवहरु, सिकाइहरु तथा आगामी रणनिती तय गर्नका लागि अन्तरराष्ट्रिय होमस्टे सम्मेलन नेपालमा आयोजना गर्ने र भगिनी सम्वन्ध बिकास गर्ने, होमस्टे संचालन तथा ब्यवस्थापनका लागि सहयोग गर्ने आन्तरिक तथा बाह्य दातृ निकायहरुसंग सम्पर्क, समन्वय र सहकार्यका लागि पहल गर्नुका साथै सम्बन्ध बिकास गर्ने बिषयलाई प्राथमिकतामा राखिएको छ । यसैगरी घोषणापत्रमा लुम्बिनी प्रदेश भित्र संचालित होमस्टेहरुको ब्राण्डिङ, रंग, लोगो, बोर्ड साइज, अक्षर आदिमा एकरुपता कायम गर्ने, नेपालमा संचालनमा रहेका सफल होमस्टेमा भए गरेका राम्रा अभ्यासहरु, सिकाईहरु प्रभावहरुको खोज अनुसन्धान गर्ने र सफल अभ्यासहरु र सिकाइ एक आपसमा आदान प्रदान गर्दै यसको दायरा बढाउने, प्राकृतिक, सांस्कृतिक, वातावरण बीच सुमधुर सन्तुलन कायम राखी पर्यटकीय सम्पदाको खोजी, संरक्षण तथा सम्वद्र्धन गर्ने, होमस्टेमार्फत रैथाने कृषि, कला, सिप, प्रबिधि, स्थानीय उद्यमशिलता विकासमा, युवा, महिला र विपन्न वर्ग लगायत सवैलाई संलग्न गराउदै गाउँ गाउँमा रोजगार सृजना गर्न पहल गर्ने, होमस्टेमा संचालन हुने औपचारिक बैठक, सभा, समारोह, तालिम, गोष्ठी आदिमा साथै होमस्टेमा आउने पाहुनाहरुलाई स्थानीय उत्पादनका साथै यथासक्य रैथाने बालीमा आधारित स्थानीय मौलिक खाद्य परिकारलाई खाजा तथा खानाको रुपमा प्रयोग गर्न पहल गर्ने, प्रभावकारी तथा बिधिसम्मत रुपमा होमस्टे संचालन तथा प्रवद्र्धनका लागि सहभागितामूलक अनुगमन तथा निरिक्षण कार्यबिधि तयार गरी लागु गर्ने, गराउने, होमस्टेको उत्पादनलाई ब्राण्डिङ तथा बजारिकरण गर्ने लगायतको बिषय समेटिएको छ। होमस्टे महासंघ नेपाल लुम्बिनी प्रदेश अध्यक्ष तिलकराज थारुको अध्यक्षतामा भएको सम्मेलन लुम्बिनी प्रदेश, वन, वातावरण, पर्यटन तथा खानेपानी मन्त्रालयका सचिव मोहनराज काफ्लेको प्रमुख आतिथ्यतामा भएको थियो । सम्मेलनमा होमस्टे महासंघ नेपालका केन्द्रीय अध्यक्ष प्रेमशंकर मर्दनियन थारु, उपाध्यक्ष धनिश्वर बस्याल, महासचिब कृष्णलाल चौधरी, कोषाध्यक्ष सुरज बास्तोला, केन्द्रीय सचिवालय सदस्य माधव कार्की, केन्द्रीय सदस्यहरु बुझौना थारु, रामकुमार थारु लगायत बिभिन्न संघसंस्थाका प्रमुख तथा प्रतिनिधिहरुको आतिथ्यता रहेको थियो । लुम्बिनी प्रदेशमा १० वटा निजी र ४२ वटा समुदायिक गरी ५२ वटा होमस्टे सञ्चालनमा छन् ।

फोटो खोल्नुहोस्


world-link-1690434568.jpg
शिक्षकको पेशागत दक्षता अभिवृद्धि कार्यक्रम नीति तथा कार्यक्रममा समावेश गर्न माग
FB_IMG_1718716280862-1718716646.jpg

नेपाल राष्ट्रिय शिक्षक संगठनले थाहा नगरपालिकाको आगामी वर्षको वजेटमा शिक्षकहरुको क्षमता अभिवृद्धि...

२० वर्ष पछी फरार प्रतिवादी पक्राउ
FB_IMG_1718694197801-1718694615.jpg

कर्तब्य ज्यान मुद्दामा फरार मकवानपुरका सन्तबहादुर स्याङबो भन्ने सन्तबहादुर वाईबा पक्राउ परेका छन् । जिल्लाको...

गर्मीको समयमा स्कुलमा बालबालिका बेहोस हुने टाउको दुख्ने समस्य किन हुन्छ? र बच्ने उपाय!
FB_IMG_1718599761953-1718599781.jpg

नवराज नेपाली थाहा ४  गर्मीको मौसममा तापक्रम अत्याधिक बृद्धि हुने हुँदा मानिसको शरीरमा पानीको कमी अर्थात्...

थाहाको वडा न ८ पुर्ण संस्थागत सुत्केरी वडा घोषणा
FB_IMG_1718556163576-1718556206.jpg

थाहा नगरपालिकाको वडा न –८  ‘पूर्ण संस्थागत सुत्केरी वडा’ घोषणा भएको छ ।  उक्त वडामा तीन आर्थिक बर्ष यता...

बागमती प्रदेश सरकारको बजेट : चालु आर्थिक वर्षको तुलनामा १ अर्ब ८४ करोड रुपैयाँ बढी
FB_IMG_1718469457432-1718469488.jpg

राजकुमार के.सी. मकवानपुर, १ असार/बागमती प्रदेश सरकारले आगामी आर्थिक वर्ष २०८१/८२ का लागि ६४ अर्ब ५४ करोड ४ लाख...

डिजेल,पेट्रोल र मट्टीतेलको मूल्य घट्यो,पेट्रोल लिटरको १६५
FB_IMG_1718464680950-1718464702.jpg

नेपाल आयल निगमले पेट्रोल, डिजल र मट्टीतेलको मूल्य फेरि पनि घटाएको छ । अहिलेसम्म लगातार तीन पटक मूल्य घटेको...

टिष्टुङ–पालुङ पदयात्रा,फोटोफिचर
FB_IMG_1718462400653-1718462432.jpg

     गणेश विष्ट  मकवानपुरको ‘टिष्टुङ–पालुङ’ त्यतिबेला चर्चामा आयो जुनबेला काठमाण्डौं जोड्ने...

नेपाल राष्ट्रिय शिक्षक संगठन थाहाको अध्यक्षमा लामिछाने
FB_IMG_1718458798746-1718458886.jpg

नेपाल राष्ट्रिय शिक्षक संगठन थाहा नगर समितिको अध्यक्षमा मनोज लामिछाने सर्वसम्मत चयन हुनु भएको छ । १ असारमा...

अपाङ्गता अधिकार र कानुनी व्यवस्था सम्बन्धी अभिमुखिकरण कार्यक्रम सम्पन्न
FB_IMG_1718458538644-1718458571.jpg

थाहा नगरपालिकाको सहकार्य तथा थाहा नगर स्तरीय अपांग समन्वय समितिको  केन्द्रको सहकार्य तथा अपाङ्ग सरोकार...