वर्तमान सरकारले कानुनको आडमा दमन गरिरहेको छ:- सांसद सापकोटा

नेकपा (माओवादी केन्द्र) थाहा नगरपालिका वडा नम्बर ७ कमिटीले बुधबार खवरदारी सभाको आयोजना गरेको छ।

थाहा ७ बतासे डाँडामा भएको खवरदारी सभामा नेकपा (माओवादी केन्द्र)का केन्द्रिय सदस्य एवम् प्रतिनिधिसभा सदस्य माधब सापकोटा ‘सुबोध’ ले बर्तमान सरकारको बेथिति र भ्रष्टाचारमा चुर्लुम्म डुबेकोले माओवादी केन्द्रले देशैभर खवरदारी सभा मार्फत खवरदारी गरिरहेको बताउदै जनतामा माओवादी,काङ्ग्रेस,एमाले भन्ने पार्टी एउटै हो भन्ने भाष्य बन्न गएको स्वाभाविक रहेको उल्यख गर्दै उनले भने " कहिलेकाही सुंगुरको खोर सफा गर्न जादा आफै पनि फोहोरी बन्न पुगेको भन्दै "हामी माओवादी पनि सुंगुरको खोर सफा गर्न जादा अलिअली फोहोरमा परेकोमा जनताले पनि कतै माओवादी पनि फोहोर भयो कि!यस्ले पनि जनताको आशा पूरा गर्न सक्दैन कि! भन्ने आशंका परेको तर माओवादीले १८ महिना सरकारमा रहेर प्रचण्ड नेतृत्वको सरकारले जुन काम गर्यो तेस्ले जनतामा माओवादी प्रतिको आश जिवितै राखेको र अब त्यो आशलाइ मर्न नदिने बताए।

सापकोटाले माओवादीको प्रचण्ड नेतृत्वले १८ महिना सरकार चलाउदा कुनैपनी नितिगत भष्ट्रचार गरेको भए अहिलेको सरकारलाई कारबाही गरेर देखाउन चुनौती दिदै प्रचण्डले भनेको भनाइ स्मरण गर्दै भने" छानबिन गर्दै जादा प्रचण्डको पनि नाम आएछ भने नछाड्न भनेको तर अहिलेका सरकार भित्र रहेकाहरु काङ्रेस भित्रका धनराज गुरुङ बचाउन लाग्ने,एमाले सार्वजनिक लेखा समितिका सभापति बचाउन लाग्ने,रबि लामिछाने जोडिएकै सहकरीमा एमाले नेता जोडिएपछी साछी मात्र बसेको भनेर जोगाउन लाग्ने,भन्दै वर्तमान सरकारले कानुनको आवरणमा दमन गरिरहेको आरोप लगाउनु भयो।
माओवादी केन्द्र थाहा ७ का अध्यक्ष मान बहादुर लो को अध्यक्षतामा सम्पन्न खवरदारी सभामा माओवादी मकवानपुर जिल्ला इन्चार्ज बिजय गौतम,प्रदेश सदस्य तथा थाहा नगर इन्चार्ज लवसेर बिष्ट,प्रदेश सदस्य तथा नगर प्रमुख बिष्णु बिष्ट,केन्द्रिय सहकारी बिभागका बिष्णुहरी ढकाल जंगली,जिल्ला समन्वय समिती सदस्य अरुण रायमाझी,बिनायक गोले,वाइसीएल केन्द्रिय सदस्य अरुण मोक्तान,माओवादी केन्द्र नगर अध्यक्ष बिनोद कुमार लामाले सभालाई सम्बोधन गरेका थिए।