लोकतन्त्र राजालाई बुझाउनेबाट लोकतन्त्रको रक्षा हुँदैनः पूर्व मन्त्री पाण्डे

नेकपा एमाले केन्द्रिय सदस्य तथा पूर्व स्थानिय बिकास मन्त्रि राजेन्द्र पाण्डेले लोकतन्त्र राजालाई बुझाउनेले लोकतन्त्रको रक्षा नगर्ने बताउनु भएको छ । हिजो थाहा नगरपालिका ७, आग्राको डाँडावासमा थाहा नगरपालिका वडा नम्वर ७ र ८ को संयुक्त चुनावि सभामा कार्यक्रमका प्रमुख अतिथि पाण्डेले प्रतिनिधि सभा तथा प्रदेश सभाको निर्वाचन पछि जनताको हितमा काम गर्ने वामपन्थिहरुको सरकार बन्ने भएकोले नेपाली काँग्रेसले वामपन्थिले चलाएको सरकार टुलुटुलु हेरेर पश्चाताप गर्दै बस्नु पर्ने दिन आउने बताउनु भयो । पटक पटक पाएको बहुमतले देश वर्बाद गर्नेहरुले आत्तिएर मनलाग्दो बोल्दै हिँडेको बताउनु भएको छ । उहाँले भन्नु भयो– जनता सचेत छन्, कोही रोएर हिंडेर केही हुँदैन । नेपाल आमाले गरिब निमुखा जनताको पक्षमा काम गर्ने कम्युनिष्ट दुई ठूला पार्टि एउटै हुनु पर्ने आवश्यकता भएकोले अहिलेको चुनाबि तालमेल भएको भन्दै प्रमुख अतिथि पाण्डेले एउटै बिषय र मुद्घामा यो देश परिवर्तनका लागि पटक पटक लडेका दुई दल ११ बर्षको प्रयन्न पछि यो अबस्थासम्म आइपुगेको र अब एउटै पार्टि बन्नेमा विश्वस्त हुन आग्रह गर्नु भएको छ । यो तालमेल एकताको विन्दुमा पुग्नेछ कसैको रमाइलाका लागि नभइ राष्ट्रको लागि भएकोले संङका नगर्न अनुरोध गर्नु भयो । संविधान संस्थागत गर्नका लागि ३ तहको निर्वाचन अन्तर्गत जनताले आफैले कानुन बनाउने र आवश्यक निर्णय आफैले गर्ने जनतालाई सर्वाधिकार सहितको स्थानिय तहको निर्वाचन भैसकेको र अव बाँकी दुई निर्वाचन पछि देशमा वामपन्थिको स्पष्ट बहुमतिय सरकार बन्ने र देशमा विकासको लहर आउने बताउनु भयो । उहाँले स्थानिय तहको चुनावमा दुईदल छुट्टा–छुट्टै लड्दा पनि ६२ प्रतिसत जित हाँसिल गरेकोले जननताले कम्युनिष्ट मिलेर जानु पर्ने सन्देश दिएकोले वाम गठवन्धन भएको वताउनु भयो ।

कार्यक्रमका बिशेष अतिथि एवम् मकवानपुर प्रतिनिधि सभा २ का उमेदवार विरोध खतिवडाले पवित्र गठबन्धन देखि डराएर भ्रष्ट र पञ्च मिलेर वनेको गठवन्धन अताल्लिन थालेको बताउनु भएको छ । चुनाव जित्ने जनताको मन छुने योजना नभएकोले चुनावको वेलामा डोजर र पैसा बोकेर गाउँ चाहर्दैमा लोकतान्त्रिक नहुने बताउनु भयो । जबसम्म गाउँ विकास हुँदैन तवसम्म देश बिकास नहुने भएकोले वामपन्थि सरकारले विकासनिर्माण देखि, जनताको आधारभुत आवस्यक्ता सबै सरकाले व्यहोर्ने खतिवडाले बताउनु भयो । कार्यक्रममा अतिथि मकवानपुर प्रतिनिधि सभा २ को ‘क’ की उमेद्वार कुमारी मोक्तानले वामपन्थि गठवन्धन एकसय रुपैंया बृद्घ भत्ता सुरु गरेको नेकपा एमालेको मनमोहन सरकार देखि माओवादी केन्द्रका प्रचण्ड सरकारको उज्यालो नेपालसम्मको यात्राबाटै प्रष्ट रुपमा जनताको पार्टी हो भन्ने प्रमाण रहेकोले वाम पन्थि गठवन्धनलाई जिताउन आवश्यक रहेको बताउनु भयो । उहाँले अव हरेक नागरीकले आफ्नै ठाउँवाट अधिकार प्राप्त गर्न सक्ने भएकोले सँदैव जनताको अधिकार र विकासमा लाग्ने प्रतिवद्धता व्यक्त गर्नु भयो । कार्यक्रममा नेकपा एमालेका नेता रामेश्वर रानाले हामीले गरेको विकास निर्माणमा चुनावको बेलामा आएर डोजर चलाउछु भन्दै हिँड्नेहरुको भ्रममा नपर्न अनुरोध गर्नुभयो । उहाँले भन्नु भयो– वाम गठवन्धनलाई सराप्दै हिंडिरहेका छन्, रुपचन्द्र बिष्ट जस्ता महान व्यक्तिले छाप्रे तथा गरिब जनताको चेतनाको दियो बालेको मकवानपुरमा झुटा कुरा गर्दै हिंड्ने नेपाली काँग्रेसको गठवन्धनलाई लाई कसैले नपत्याउने बताउनु भयो । कार्यक्रम अनेरास्ववियू क्रान्तिकारीका केन्द्रिय उपाध्यक्ष विजय गौतमले यो देशमा काँग्रेस र पञ्चहरु मिलेर आफ्नो पेट भर्ने मात्र काम गरे गरिव निमुखा जनतासँधै पछि पारिएको थियो र जनताको आन्दोलनको जोडमा आएको गणतन्त्र पछि जनताले पाएको अधिकारमा खुसि हुन नसकेर फेरी विभिन्न जालझेल गर्न लागि रहेकोले सचेत भएर वाम गठवन्धन जिताउन लाग्नु पर्ने बताउनु भयो । उहाँले काँग्रेसले नेपालमा अथाह विकासका सम्भावना हुँदा हुँदै पनि हरेक आवश्यकता विदेशीको भरमा पुरा गर्नु पर्र्ने अवस्थाको सिर्जना गरिरहेको बताउँदै अबको वामपन्थि स्थिर सरकारले आत्म निर्भर राष्ट्रको रुपमा नेपाल विश्वमा चिनीने बताउनु भयो ।

कार्यक्रममा हालै मात्र नेपाली काँग्रेस परित्याग गरि वाम गठवन्धनमा आउनु भएका पिताम्वर वास्तोलाले नेपाली काँग्रेस विपिको नाम बेचेर रुखमा भोट मागी रहेपनि अब यो काम नलाग्ने रुखमा परिणत भैसकेको र जनताको जहिले कुभलो मात्र गर्ने भएकोले लोकतान्त्रिक गठवन्धनमा लागि रहेकाहरुलाई वामपन्थि गठवन्धनमा आउन अनुरोध गर्नु भयो । वास्तोलाले तामाङ भाषमा गाएको गितले कार्यक्रममा आकर्षण थपेको थियो ।

थाहा नगरपालिकाका प्रमुख एवम् नेकपा माओवादी केन्द्रका जिल्ला सदस्य लवसेर बिष्टले २००६ साल देखि निरन्तर देशको लागि क्रान्ति गर्दै आइरहेको कम्युनिष्ट पार्टि वेग्ला वेग्लै हिँड्दा अर्कोले शासन चलाउने भैरहेको हुँदा अब यो परिपाटिको अन्त हुने र देश समृद्घ बन्ने भएकोले वाम गठवन्धलाई जिताउनु पर्ने बताउनु भयो ।

थाहा नगरपालिका वडा नं। ७ का निर्वाचित सदस्य दिपेन्द्र कुमार थिङले संचालन गर्नुभएको कार्यक्रममा नेमराज थिङले स्वागत गर्नु भएको कार्यक्रममा वडा नंम्बर ८ का निर्वाचन परिचालन कमिटि अध्यक्ष डम्बर लामा, वडा नम्बर ८ का निर्वाचित वडा सदस्य सुमन कार्की लगायतले वामगठवन्धन जिताउनका लागि अनुरोध गरेका थिए । कार्यक्रममा निवर्तमान सभाषद् सुवाश ठकुरी, निर्वाचन परिचालन कमिटि प्रतिनिधिसभा क्षेत्र २ को ‘क’ का संयोजक बिष्णु विष्ट आदर्श, उप–संयोजक बिष्णु प्रसाद ढकाल, थाहानगरपालिका निर्वाचन परिचालन कमिटि अध्यक्ष अरुण रायमाझी लगायत दुबै पार्टिका जिल्ला स्तरिय नेताहरुको आतिथ्य रहेको थियो ।