रुदानेको स्मृतिमा हेटौंडामा दीप प्रज्वलन

मकवानपुर ।
थाहा दर्शनका प्रवर्तक, दार्शनिक तथा जनमुखी सहकर्मी रुपचन्द्र बिष्ट (रुदाने) को २६औँ स्मृति दिवसको अवसरमा हेटौंडाको थाहाचोकमा शनिबार साँझ दीप प्रज्वलन कार्यक्रम सम्पन्न भयो।

रुपचन्द्र बिष्ट स्मारक समिति नेपाल र नुरबहादुर कर्माचार्य स्मृति प्रतिष्ठान हेटौंडाको संयुक्त आयोजनामा सम्पन्न कार्यक्रममा पूर्व राष्ट्रियसभा सदस्य रामनारायण बिडारीले निष्पक्ष सक्रियताको अभ्यासलाई आत्मसात् गर्नुपर्ने आवश्यकता औँल्याए।
संविधानसभा सदस्य प्रल्हाद लामिछानेले रुपचन्द्र बिष्ट सबैको साझा ब्यक्तित्व भएको बताउँदै उनको विचार आज पनि सान्दर्भिक रहेको धारणा राखे।

कार्यक्रममा हेटौंडा उपमहानगरपालिका वडा नम्बर ४ का अध्यक्ष नवीन सिग्देल, वडा नम्बर १० का सदस्य ईश्वरप्रसाद मैनाली, नेपाल अडिटर्स एसोसिएसनका प्रतिनिधि प्रकाश ढकाल, अखिल क्रान्तिकारी मकवानपुरका अध्यक्ष बुद्धराज अर्याल लगायतको उपस्थिति थियो।

वि.सं. १९९० साल पुष २७ गते जन्मिएका रुपचन्द्र बिष्ट नेपाली समाज रूपान्तरणका लागि जनमुखी सहकर्मीको रूपमा चिनिन्थे। 'रुप', 'रुपे', 'रुदाने', 'रापसरु', 'जसरु' जस्ता नामले परिचित उनी “थाहा आन्दोलन” मार्फत जनचेतना फैलाउने कार्यमा सक्रिय थिए।
उनको निधन वि.सं. २०५६ साल असार ७ गते भएको थियो