माओवादी केन्द्र वडा नं.२ अधिवेसन सम्पन्न
दुई जना विद्यार्थीलाई विद्यालय पोशाक र स्टेशनरी प्रदान

नेकपा माओवादी केन्द्रको वडा नं. २ को अधिवेसन आज सम्पन्न भएको छ । थाहा नगरपालिका इन्चार्ज विष्णु विष्ट अादर्शकाे प्रमुख आतिथ्यता तथा थाहा नगर प्रमुख लवशेर विष्टको विशेष आतिथ्यतामा २ नं. वडा कार्यालयको सभाहलमा भएको अधिवेसनले शंकर लामाको अध्यक्षतामा २१ सदस्यीय वडा कमिटी गठन भएको छ ।

कार्यक्रममका विशेष अतिथि, नेकपा माओवादी केन्द्रका नगर इन्चार्ज विष्णु विष्ट ‘आदर्श’ले नव गठित वडा कमिट कार्यकाल सफलताको शुभकामना दिंदै गणतन्त्र मन नपराउनेहरु माओवादी विरोधमा लागि परेकोले कार्यकर्ता लाई सजग हुन आग्रह गर्नु भएको थियो । उहाँले पार्टीको धारण राख्दै पार्टिले गरेको उपलव्धि जनतामाझ पु¥याउन सबै लाग्नु पर्ने बताउनु भयो ।

तेस्रो संविधान दिवसको शुभकामना दिदैं उन्नत समाज विकासको लागि भेदभाव र स्वार्थ रहित भएर लागे समाजमा परिवर्तन ल्याउन समय नलाग्ने कार्यक्रम विशेष अतिथि थाहा नगरपालिका प्रमुख लवशेर विष्टले बताउनु भयो । 

यसै गरि कार्यक्रमका अतिथि थाहा नगर कमिटि सचिव विनोद कुमार लामाले एकतामा शक्ति हुने भएकोले पार्टिका सम्पूर्ण सदस्यहरुको एकतामा जोड दिंदै, जनमुखि अभियानको आर्थिक अभियानमा साथ दिन आग्रह गर्नु भयो ।

कार्यक्रममा वडा नं. २ का सक्रिय सदस्य स्व.ध्रुव थापाको २ छोरालाई वडा कमिटीको तर्फबाट स्कुल ड्रेस र स्टेशनरी प्रदान गरेको छ । भेलाले १० जना नगर प्रतिनिधि र ५ जना पर्यवेक्षक चयन गरेको छ । 

२ नं. वडा कमिटी अध्यक्ष कविराज ढकालको अध्यक्षतामा भएको कार्यक्रमको संचालन निवर्तमान वडा सचिव नवराज विष्टले गर्नुभएको थियो भने निवर्तमान कोषध्यक्ष शंकर लामाले स्वागत मन्तव्य राख्नु भएको थियो ।