झम्केश्वरी माबिको अध्यक्षमा राजन लामिछाने

थाहा नगरपालिकास्थित झम्केश्वरी माविको विद्यालय व्यवस्थापन समिति अध्यक्षमा राजन लामिछाने सर्वसम्मत हुनु भएको छ ।

२९ जेठमा सम्पन्न अभिभावक भेलाबाट सर्वसम्मत चुनिएका लामिछाने, कल्पना लामिछाने, दिपेन्द्र प्रधान र रजना श्रेष्ठसहित कार्यवाहक वडा अध्यक्ष सरोज प्रधान, प्रधानाध्यापक गणेशमान श्रेष्ठ, शिक्षक प्रतिनिधि राजमान श्रेष्ठसहितको बैठकबाट अध्यक्षमा लामिछानेलाई सर्वसम्मत चयन गरेको हो ।

निवर्तमान विव्यस अध्यक्ष प्रदिप प्रधानको सभापतित्व एवम् थाहा नगरपालिका प्रमुख विष्णु बहादुर बिष्टको प्रमुख आतिथ्यतामा सम्पन्न भेलामा एसईई तथा २०८२ मा कक्षागत उत्कृष्ट नतिजा ल्याउने विद्यार्थीहरुलाई पुरस्कृत गरिएको थियो । भेलामा छात्रवृत्ति, सम्मान तथा कदर पत्र वितरण गरिएको थियो ।

भेलामा प्रमुख अतिथि विष्ट, नगर उपप्रमुख भरत गोपाली, विव्यस सल्लाहकार सुरेन्द्रमान प्रधान, कार्यबाहक वडा अध्यक्ष सरोज प्रधान, प्रधानाध्यापक गणेशमान श्रेष्ठ, सभाध्यक्ष प्रदिप प्रधानले मन्तव्य व्यक्त गर्नुभयो । भेलामा लेखापाल जर्मलाल श्रेष्ठले आ.व. २०८१/०८२ मा १ करोड २८ लाख २९ हजार ७०८ रुपियाँको आर्थिक प्रतिवेदन पेश गर्नुभयो ।