उपमेयर कप डबल ब्याडमिन्टन प्रतियोगिताको तयारी पुरा, १४ टिमको सहभागिता

फाइल फोटो

थाहा नगरपालिका वडा नं. ४ स्थित क्याम्पाडाँडा ब्याडमिन्टन कभर्डहलमा यही असार ७ गतेदेखि छैठौं संस्करणको थाहा नगरस्तरीय उपमेयर कप डबल ब्याडमिन्टन प्रतियोगिता सुरु हुने भएको छ। प्रतियोगिताको उद्घाटन कार्यक्रम बिहान ८ बजे हुने आयोजकले जानकारी दिएको छ।

थाहा नगरपालिकाको आयोजना तथा थाहा नगर ब्याडमिन्टन संघको व्यवस्थापनमा हुन लागेको प्रतियोगिताको खेल तालिका सार्वजनिक भइसकेको छ। प्रतियोगिता संयोजक शुसान्त श्रेष्ठ च्याङका अनुसार १४ टिमको सहभागिता रहनेछ।

थाहा आन्दोलनका प्रेणता रुपचन्द्र विष्टको स्मृति दिवसको अवसर पारेर तीन दिनसम्म सञ्चालन हुने प्रतियोगितामा थाहा नगरपालिका क्षेत्रभित्र कार्यरत कर्मचारीले पनि सहभागी हुन पाउनेछन्।

प्रतियोगितामा विजेता टिमले २० हजार, दोस्रोले १२ हजार, तेस्रोले ६ हजार ५ सय, र उत्कृष्ट खेलाडीले ५ हजार रुपैयाँ नगद, शिल्ड, मेडल र प्रमाणपत्र प्राप्त गर्नेछन्।

समाजका युवालाई खेलमार्फत जागरुक बनाउँदै सामाजिक समृद्धि र विकासमा योगदान दिने उद्देश्य रहेको आयोजकको भनाइ छ।

प्रतियोगितामा शिखर क्लब र फरक सोच सहयोगी संस्थाको रूपमा रहेका छन् भने पालिका प्रेस, थाहापाटी, लालखबर, थाहा टाइम्स, टिम टिभी, बाइरोड र रेडियो दामन मिडिया पार्टनर रहेका छन्।
हेर्नुस खेल तालिका :-