साना किसान मनहरीले पशु बिमा कार्यक्रमलाई निरन्तरता दिदै ,

मनहरी ८ सिम्पानीमा अवस्थित साना किसान कृषि सहकारी सस्था लिमिटेडले पशु बिमा कार्यक्रमलाई निरन्तरता दिईएको छ ।
आर्थिक बर्ष २०८०/०८१ मा संस्थाका शेयर सदस्यहरुलाई पशुपालनतर्फ भब्य तब्य पर्दा पशु मरेर जादा पनि आर्थिक रुपमा सुरक्षित रहोस भन्ने उद्देश्यले पशु बिमा कार्यक्रमलाई निरन्तरता दिईएको सस्थाका अध्यक्ष बिमला कार्कीले जानकारी दिनुभयो । लम्की रोगका कारण स्थगन गरिएको पशु बिमा भदौ १ गते देखि शुरु गरेको हो ।

किसानहरुले पशु बिमा गराउदा पशुको मुल्यांकित रकमको १% जम्मा गरि पशु बिमा गर्न सकिने सस्थाको मुख्य प्रबन्धक ज्योती सुबेदिले बताउनुभयो । किसानहरुले पशु बिमा गरिसकेपछी पशु मरेको खण्डमा पशुको मुल्यको ८० प्रतिशत रकम प्राप्त गर्नेछन । सस्थाको पशु प्राबिधिक र मुल्यांकन समितीले गाई भैसिको मूल्य निर्धारण गरिने प्राबधान अनुसार किसानको गाई भैसिको मूल्य निर्धारण हुने समेत मुख्य प्रबन्धक सुबेदिले जानकारी दिनुभयो ।

नेपाल सरकारसङ्गको साझेदारीमा सरकारले दिने ८०% अनुदान सानाकिसान बिकास लघुबित्तिय सस्था मार्फत
नेपाल सरकारको पशु बिमा प्रिमियम अनुदान सस्थाले पाउने गरेकोछ ।

गत आर्थिक बर्षमा मात्रै सस्थाले २५९ वटा पशुको बिमा गरेको थियो । भने गत सालै १५ वटा पशुको मृत्यु भएको थियो । १५ वटा पशु धनिहरुलाई ८० प्रतिशत रकम बराबर हुन आउने रु ६ लाख १८ हजार रुपैया कृषकलाई भुक्तानी गरेको थियो ।

चालू आर्थिक बर्षमा २ वटा पशुको मृत्यु भएको र किसानलाई पशु बिमा कार्यक्रम अन्तर्गत साउन महिनामा बिमा प्रिमियम नगद ७२ हजार रुपैया हस्तान्तरण गरिसकेकोछ । यस बर्ष चन्द्र माया नेगि र सीता भण्डारी उप्रेती गरि दुईजनाले पशु बिमा प्रिमियम अन्तर्गत रकम प्राप्त गरिसकेकोछ ।

२ हजार तिनसय १५ जना शेयर सदस्य रहेको सस्थाले आफ्ना शेयर सदस्यहरुको मात्र बिमा गर्दै आईरहेको छ । सस्थाले आफ्ना शेयर सदस्यहरुलाई पशु बिमा गरि पशुपालनमा गरिएको लगानी सुरक्षित गर्नको लागि पनि बिमा कार्यक्रममा सहभागी हुन आग्रह गरेकोछ । सस्थाले आफ्नै लगानिमा कृषि तथा पशु प्राबिधिक नियुक्ति गरि किसानलाई सेवा दिदै आईरहेकोछ ।