मकवानपुरको मकवानपुरगढी गाउँपालिकाले लकडाउनमा बाँझो जग्गालाई खनजोत गरी कृषि उत्पादन र पशुपालन गर्नेलाई अनुदान दिने भएको छ ।
लकडाउनको प्रभावले गाउँपालिकामा खाद्यसंकट उत्पन्न हुन सक्ने परिस्थितीलाई मध्यनजर गर्दै ५ वर्षदेखि बाँझो जग्गा उपयोग गरी कृषि पेसा गर्नेलाई मल, बिउ र खनजोतको लागि प्रोत्साहन स्वरुप अनुदान दिने निर्णय कार्यपालिकाले गरेको हो । गाउँपालिकाभित्र ६० प्रतिशत जग्गा बाँझो रहेको गाउँपालिकाले जनाएको छ ।
गाउँपालिकाले भू–उपयोग कार्यविधि २०७७ (संशोधनसहित) कार्यान्वयनमा ल्याउँदै कृषि उत्पादन बढाउनको लागि बाँझो जग्गामा खेती गर्न गाउँपालिकाबासीलाई सूचित गरेको कार्यालयले जनाएको छ । गाउँपालिका अध्यक्ष बिदुर हुमागाईंले खेतियोग्य जग्गा बाँझो नराख्न तथा आवश्यक अनुदान उपलब्ध गराउनका लागि आवश्यक निर्णय लिइएको बताए ।
गाउँपालिकाले विभिन्न शिर्षकमा १५ सय देखि ५ हजारसम्म प्रति रोपनीका दरले अनुदान दिने व्यवस्था गरेको छ । बाँझो जग्गामा फलफूल खेती गरेमा प्रति रोपनी २ हजार, अन्नबाली, तरकारीवाली, नगदेवाली र मसलेदार खेती गरेमा २ हजार ५ सय, गाउँपालिका भन्दा बाहिर बस्ने विपन्न तथा मजदुरले निजी वा भाडामा लिएर खेती गरेमा ३ हजारका दरले अनुदान दिने गाउँपालिकाले जनाएको छ ।
आफ्नो स्वामित्वमा रहेको वा भाडामा लिएर बाँझो जग्गामा सुधारिएको गोठ वा खोर निर्माण गरी घाँस लगाउँदै व्यवसाायिक पशुपालन गरेमा प्रति रोपनी ३ हजार, बाँझो जग्गामा ३० वटा बाख्रा, ५ वटा गाई र १० वटा बंगुर पाल्ने गरी गोठ वा खोर निर्माण गर्न मुल्याङ्कनको आधारमा बढीमा १ लाख सम्म अनुदान दिने व्यवस्था गाउँपालिकाले गरेका छ ।
यसैगरी माछापालन गर्नका निम्ति पोखरी निर्माण गरी प्रयोगमा ल्याएमा १५ हजार, मौरीपालन गर्ने कृषकलाई प्रति घार ५ हजार, व्यवसायिक जडिबुटी खेती गर्नका लागि प्रति रोपनी ५ हजारसम्म अनुदान उपलब्ध गराइने गाउँपालिका अध्यक्ष हुमागाईंले जानकारी दिए ।
गाउँपालिकाको निर्णय अटेर गर्ने कृषकलाई दण्डको व्यवस्था पनि गरिएको छ । खेतीयोग्य जग्गा बाँझो राखेमा गाउँसभाबाट अनुमोदन हुने गरी भूमिकरमा बृद्धि गरिने, जग्गाधनीलाई अनुदानका कार्यक्रमबाट बञ्चित गरिने र गाउँपालिकाले प्रदान गर्ने सेवाबाट समेत बञ्चित गर्न सकिने जनाइएको छ ।
गाउँपालिकाकाले निर्णय विपरित बाँझो जग्गा राखेमा कुनै जग्गा नभएको मोहीले कमाउन चाहेमा गाउँपालिकाले उपलब्ध गराउने सक्ने बताइएको छ । कृषकले खेती गर्न नसकेको खण्डमा त्यस्तो बाँझो जग्गा गाउँपालिकाको भूमि बैंकमा जग्गा गर्नुपर्ने नियम छ ।
अध्यक्ष हुमागाईंका अनुसार विदेशबाट फर्किएका वा जाने तयारीमा रहेका विपन्न समुदायका एकसय जना युवालाई तालिमसहित कृषि तथा पशुपालनका लागि प्रोत्साहन गर्न बीउ पुँजी सहयोग गर्ने गाउँपालिकाको योजना छ । शिलापत्रबाट
थाहा अस्पतालमा उत्कृष्ट कार्यसम्पादन गर्ने कर्मचारीलाई सम्मान गर्दै ‘फेरि भेटौँला’ तथा हरितालिका तीजको...
थाहा नगरमा तिलगंगा सामुदायिक आँखा केन्द्र पालुङ र हेटौंडा सामुदायिक आँखा केन्द्रको आयोजनामा स्थानीय परियोजना...
थाहा नगरपालिका–४, थानाबजारमा लायन्स क्लब अफ थाहा पिसको आयोजनामा भएको बृहत् रक्तदान कार्यक्रममा ७६ जनाले...
थाहा नगरपालिका–१ स्थित श्री झम्केश्वरी माध्यमिक विद्यालय भौतिक पूर्वाधार, व्यवस्थित व्यवस्थापन तथा शैक्षिक...
मकवानपुरको भीमफेदी, जुरिखेतमा भएको स्कारपिओ दुर्घटनामा उच्च अदालत जनकपुरको अस्थायी इजलास वीरगंजका न्यायाधीश...
मकवानपुर थाहा नगरापलिकाको प्रशिद्ध धार्मिक स्थल ऋषेश्वरमा ३० साउनमा परेको शनिबार एकैदिन ३ हजार बढिले दर्शन...
मकवानपुरको थाहा नगरपालिका वडा नम्बर ७ का ४ सय १३ परिवारका लागि ‘एक घर, एकधारा’ निर्माणसहित चिसापानी मझुवा...
मकवानपुरको थाहा नगरपालिकामा आर्थिक वर्ष २०८२/८३ मा कुल १ हजार ७ सय ३८ वटा व्यक्तिगत घटना दर्ता भएका छन् ।...
थाहा नगरपालिका–४, थानाबजारमा नगरकै पहिलो फास्ट ईभी चार्जिङ स्टेसन सञ्चालनमा आएको छ। ऋषेश्वर फास्ट चार्जिङ...
