बाँदरले बालीनाली सखाप पार्न थालेको किसानहरुको गुनासो व्यापक भएपछि थाहा नगरपालिका आफैले बाँदर थपाउने यन्त्र खरिद गरी ल्याएको छ । ‘बाँदर भगाउने बन्दुक’ भनेर चिनिने यो यन्त्र नगरपालिकाको कृषि शाखाले राष्ट्रिय आविष्कार केन्द्र, काठमाण्डौंबाट खरिद गरी ल्याएको हो ।
राष्ट्रिय आविष्कार केन्द्र नेपालका प्रमुख महाविर पुनसँग सम्पर्क गरी नगरपालिकाको सिफारिसमा हाललाई ४० वटा यन्त्र खरिद गरी ल्याएको नगर कृषि शाखाका प्रमुख सञ्जय तिवारीले बताउनुभयो ।
नगरपालिकामा बाँदर भगाउने यन्त्र आएपछि अब कार्यविधि बनाएर तुरुन्तै पीडित कृषकहरुलाई वितरणको प्रक्रिया शुरु गर्ने नगरपालिकाका प्रमुख लवशेर विष्टले बताउनुभयो । वडाको सिफारिसमा आवश्यकता अनुसार बढी प्रभावित टोलका लागि एउटा दिने गरी कार्यविधि बनाउन लागेको उहाँको भनाइ छ ।
१२ वटा वडा रहेको थाहानगरमा प्रत्येक वडाका लागि ३ वटाका दरले वितरण गरिने कृषि शाखा प्रमुख तिवारीले बताउनु भयो । उहाँका अनुसार नगरको सबै वडाका कृषकहरु बाँदरको व्यवहारले पीडित हुँदै आएका छन् ।
उक्त यन्त्रमा बारुद भरेर पड्काउने र त्यसबाट भयंकर आवाज आउने हुँदा बाँदरहरु तुरुन्तै नफर्किने गरी भाग्ने प्राविधिकहरुको दाबी रहेको छ । करिब २० वटा भरुवा बन्दुक पड्काएजति आवाज आउने भएकोले बाँदरहरु आतंकित भएर भाग्ने र तत्काललाई कृषकहरुले बाँदरको दुःखबाट मुक्ति पाउने नगरपालिकको कृषि शाखाको भनाइ रहेको छ ।
नगरपालिकाले आफ्नै श्रोतबाट प्रतिगोटा रु. दुई हजार ५ सयका दरले खरिद गरी ल्याएकोमा कृषकलाई ५० प्रतिशत अनुदानमा वितरण गरिने नगरपालिकाले योजना बनाएको छ । वडाको सिफारिसमा बाँदर प्रभावित टोललाई नै सहयोग पुग्ने गरी कृषक वा कृषक समूहका प्रतिनिधिलाई यन्त्र वितरण गरिने र वितरण गर्नु अघि यन्त्र संचालनबारे अभिमुखीकरण गरिने कृषि शाखा प्रमुख तिवारीको भनाइ रहेको छ ।
१२ वटै वडामा वितरण गर्दा एउटा वडाबाट अर्को वडामा भागेर जाने सम्भावना नरहेकोले तत्कालका लागि थाहानगर बाँदरको आतंकबाट मुक्त हुने नगरपालिकाको विश्वास रहेको छ । ‘तर यो अल्पकालीन समस्या हो, यो नगरबाट भागे पनि तिनीहरुले अरु क्षेत्रमा दुःख दिने सम्भावना त रहन्छ नै’, उहाँले भन्नु भयो ।
केही वर्षदेखि सयौंको संख्यामा रहेको बाँदरहरुको दर्जनभन्दा बढी समूहले थाहा नगरका कृषकहरुले लगाएको नगदे तथा अन्नबाली नष्ट गर्दै आएको छ ।
थाहापाटी थाहा नगरबाट प्रकाशन भईरहेको अनलाईन पोर्टल हो । तपाई सँग समाचार,विचार लगाएतका प्रकाशन सामाग्रीका सुचना, सुझाब र विज्ञापन छन भने सम्पर्क गर्नु होला । –सम्पादक
मकवानपुरको थाहा नगरपालिका–२ अंगारेका युवा समाजसेवी माधव कार्कीले थाहाका विभिन्न मठमन्दिरको संरक्षण,...
नेपाली कांग्रेस थाहा नगर समितिले दसैँ, तिहार, नेपाल संवत् ११४७ तथा छठ पर्वको अवसरमा शुभकामना आदान–प्रदान तथा...
थाहा । मकवानपुरको थाहा नगरपालिका–२, अंगारेका युवा समाजसेवी माधव कार्कीले पालुङस्थित इन्द्रायणी मन्दिरमा...
दामन। मकवानपुरको थाहा नगरपालिका–दामनस्थित पर्वतीय वनस्पति उद्यानमा वनस्पति खेतीसम्बन्धी प्राविधिक...
थाहा । महांकाल युवा क्लब थाहा–११ को आयोजनामा विजयादशमीको अवसरमा नगरस्तरीय खुला ९ ए साइड फुटबल प्रतियोगिता...
भदौ १० गते भोटेकोशीमा आएको विनाशकारी बाढीमा अभिभावक गुमाएका पालिकाभित्रका बालबालिकाको पठनपाठनको जिम्मा थाहा...
मकवानपुर । मकवानपुरको थाहा नगरपालिका–१ मा अरिङ्गाल पोल्ने क्रममा रुखबाट खसेर घाइते भएका एक युवकको उपचारका...
थाहा। पालुङ क्याम्पसको आयोजनामा स्नातक चौथो वर्ष उत्तीर्ण विद्यार्थीहरूको सम्मान, नयाँ विद्यार्थीहरूको...
थाहा–६, बज्रबाराही बुढीचौरमा रहेको उदय आधारभूत विद्यालयले स्थापनाको ५० वर्ष पूरा गरेको अवसरमा गौरवमय स्वर्ण...
