थाहा नगरपालिकाको३ सय ३७ माटोको नमुना परीक्षण

थाहा नगरपालिकामा माटोको गुणस्तर सुधार र कृषि उत्पादन वृद्धिका लागि माटो परीक्षण कार्यक्रम सम्पन्न भएको छ। 
कृषि विकास शाखा थाहा नगरपालिका र माटो तथा मल परीक्षण प्रयोगशाला, हेटौंडाको प्राविधिक सहयोगमा कार्यक्रम सम्पन्न भएको हो। 
आर्थिक बर्ष २०८२/०८२ को वार्षिक स्वीकृत कार्यक्रम अनुरुप थाहा नगरपालिका भित्र रहेका १ देखि १२ नम्बर वडा बाट संकलित ३ सय ३७ वटा माटोको नमुना परिक्षण गरिएको कृषि बिकाश शाखा थाहाका अधिकृत सन्जय तिवारीले जानकारी दिए।

तिवारीका अनुसार थाहा नगरपालिकाको खेतबारीको माटोमा प्राङ्गारिक पदार्थ र नाइट्रोजनको मात्रा कमि पाइएको छ।

माटोको पिएच ४ देखि ८.४ सम्म पाइएको छ जबकी माटोमा पिएचको मात्रा ६.५ देखि ७.५ सम्म उपयुक्त मानिन्छ।

रिपोर्टले थाहा नगरको माटोमा फस्फोरस र पोटासको मात्रा पनि प्रयोगशालाको रिपोर्टले देखाएको छ।
 कार्यक्रममार्फत माटोको पोषण तत्व, आवश्यक मलको मात्रा परिक्षण गरिएको थियो।
माटो परिक्षणको निम्ति माटो तथा मल परिक्षण प्रयोगशाला हेटौंडाका प्रमुख डाक्टर जनार्दन खड्का सहितको प्राविधिक टोली खटिएका थिए।
माटो परीक्षण कार्यक्रमबाट किसानहरूले आफ्नो खेतीयोग्य जमिनको उपयुक्तता थाहा पाउने र आवश्यक मल तथा सुधारात्मक उपाय अवलम्बन गर्न सक्ने विश्वास लिइएको छ।नगर कृषि शाखाका अनुसार आगामी दिनमा यस्ता कार्यक्रमलाई थप प्रभावकारी बनाइने योजना रहेको छ।

परिक्षणको लागि वडा न १ बाट १४, वडा न २ बाट ७६,वडा न ३ बाट २८,वडा न ४ बाट १८ ,वडा न ५ बाट २५,वडा न ६ बाट २५ किसानको खेतबारीको माटो परिक्षण गरिएको थियो।तेसैगरी वडा न ७ का २७,वडा न ८ को २४ र वडा न ९ को १५ किसानको माटो परिक्षण परिक्षण गरिएकोमा वडा न १० को २५,वडा न ११ को ३८ र वडा न १२ को १२ किसानको खेतबारीको माटो परिक्षण गरिएको कृषि शाखाका प्रमुख तिवारीले जानकारी दिए।