थाहा किसानलाई सुरक्षित भइ खेती गर्न नगर प्रमुख बिष्टको आग्रह 
थाहामा आलु भित्र्याउने र अन्य तरकारी लगाउने सिजन शुरु

फाेटाे - गणेश बिष्ट

कोरोना संक्रमणको जोखिमको अहिलेको अवस्थामा आलु नखनि नहुने र अन्य तरकारी पनि लगाउनु पर्ने भएकाले सामाजिक दुरि कायम गरि भिडभाड नगरि खेतिपातिको काम गरेर सुरक्षित बस्न नगर प्रमुख लबशेर बिष्टले आग्रह गर्नु भएको छ । 

थाहा नगरपालिकामा ऐले आलु खनेर तरकारी लगाउने सिजन हो  । यस क्षेत्रका किसानको मुख्य बाली आलु खन्न ऐले कृषकहरुलाई भ्याईनभ्याई छ  । 

आफुले मात्रै नभएर कृषकहरुले आफ्ना छरछिमेक र नगरबाहिरका समेत खेताला लगाउउने गरेको छन्न् ।
यो बर्ष पनि कोरोना भाइरसको दोस्रो चरणका कारण लकडाउन भएको छ भने कोरोना संक्रमणहुने दर समेत बढेको पनि छ ।

कोरोना संक्रमणको दर बढेको अवस्थामा आलु नखनि नहुने भएको र अन्य तरकारी पनि लगाउनु पर्ने भएकाले सामाजिक दुरि कायम गरि भिडभाड नगरि खेतिपातिको काम गर्न थाहा नगरपालिकाका प्रमुख लबशेर बिष्टले सुझाउनु भएको छ । 

थाहापाटी सँग कुरा गर्दै मेयर बिष्टले खेतबारीमा कामगर्दा पनि स्वास्थ्य मापदण्डको पालना गर्न कृषकहरुलाई आग्रह गर्नुभयो  ।
“सकेसम्म आफ्नै परिवार तथा  छिमेकीसंग मात्रै भारापर्म गरी नगरपालिका भन्दा बाहिरको कामदार नबोलाई खेतीको काम गर्न कृषकहरुलाई अनुरोध गर्दछु ।” प्रमुख बिष्टले थाहापाटीसंगको कुराकानीमा बताउनुभयो ।

फाेटाे - गणेश बिष्ट

आलु खन्ने तथा खेतिपातिको काम  सुरु भएसंगै कोरोना महामारी फैलन सक्ने सम्भावना पनि उत्तिकै बढेको छ ।
कृषकहरु बिना मास्क, सामाजिक दुरी कायम नगरी खेतबारी आउजाउ गर्दा, काम गर्दा कोरोना संक्रमणको जोखिम बढ्ने सम्भावना रहेको छ ।

खेतबारीमा काम गर्दा मास्क लगाउन र दुरी कायम गर्ने संभावना कम हुने कृषकहरु बताउछन् । सरकारले लकडाउन घोषणा गरेतापनि बाली भित्र्याउने र नयाँ बाली लगाउने चटारो भइरहेको आफ्नो परिवारले मात्रै सो काम नभ्याउने भएकोले कृषकहरु समस्यामा छन् ।

साथै प्राथमिक स्वास्थ्य केन्द्रका मेडिकल अधिकृत चिकित्सक रिकेश कार्की पनि कृषकहरुलाई सामाजिक दुरी कायम गरी स्वास्थ्य मापदण्डको पुर्ण पालना गरि कृषि कर्ममा लाग्नुहुन र व्यक्तिगत सरसफाईमा विषेश ध्यान दिनुहुन आग्रह गर्नुभएको छ । 

 थाहा नगरमा अहिले आलु बाहेक बन्दा , मुला , काउलीको उत्पादन उल्लेख्य  मात्रामा भैरहेको छ । तर किसानहरुले उत्पादित सामानको उचित बजारमूल्य पाएका छैनन् ।