थाहाकाे किसानलाई खुशीकाे खबर, सहकारीले बजारकाे सहजीकरण गर्ने

बेमाैसमी तरकारीकाे भण्डार मानिने थाहानगरमा उत्पादित तरकारी बजारकाे अभावले बारीमै कुहिने हाेेेे कि भन्नेे चिन्ता बढिरहेेेको बेला साेेमबार याे विषयमा गम्भीर छलफल भएको छ ।

जिल्लाका सहकारी संघका पदाधिकारीहरु साेमबार थाहानगरमै अाएर यहाँकाे  तरकारी बजार व्यवस्थापनबारे छलफल चलाएका हुन् ।

थानाबजारमा भएकाे छलफलमा    मकवानपुर जिल्ला सहकारी संघ अध्यक्ष नारायण प्रसाद देवकोटा, पदेन सदस्य बद्रीप्रसाद लम्साल, कोषाध्यक्ष बिमलकुमार ढकाल, मकवानपुर जिल्ला बचत संघ सचिब बिरेन्द्र कुमार ढुंगाना, सदस्य फणीन्द्र सुवेेेदी, कृषि सहकारी संघ मकवानपुर सदस्य  राजकुमार के सी,  पालुङ बहुउद्देश्यीय सहकारी सस्थाका उपाध्यक्ष कृष्ण बहादुर बिष्ट, सचिब अरुण रायमाझी, जनशक्ति कृषक सहकारी सस्थाका अध्यक्ष बिमल केसी लगायत सहभागी थिए ।  

छलफलमा थाहानगरकाे ठूलाे परिमाणकाे तरकारी कसरी बजारमा पुर्याउने भन्ने बारे गम्भीर छलफल भएकाे छलफलमा सहभागी राजकुमार केसीले बताए । केसीका अनुसार स्थानीय स्तरमा थाहानगर सहकारी समन्वय समितिले बजार सहजीकरण गर्नेछ भने जिल्लास्तरमा जिल्ला सहकारी संघले सहजीकरण गर्नेछ ।

यसकाे माेडालिटी के हुने भन्नेेेेेेबारे टुङ्गाे भने लागेकाे छैन । सहकारी अाफैले तरकारी खरिद गरी बजारमा पठाउने कि सहकारीलेे वजार खाेजिदिने भन्नेेेमा टुुंगो नलागेेकाे एक सहभागीले बताए ।