खेतीमा लागत न्यूनीकरण गर्न कृषकलाई अभिमुखीकरण

मकवानपुर जिल्लाको थाहा नगरपालिका बेमौसमी तरकारीखेती को लागि प्रख्यात ठाउँ हो। यहाँ बैशाख देखि कार्तिक महिनासम्म तरकारी उत्पादन हुन्छ। यहाँ उत्पादन हुने तरकारी हरु देशका प्रमुख सहरहरु,काठमाडौ ,पोखरा,चितवन,हेटौंडा ,बिरगंज लगायत तराईका विभिन्न शहरहरुमा निर्यात हुँदै आइरहेको छ।
तरकारी खेतिको लागि स्थानिय सरकार नगरपालिका,प्रधानमन्त्री कृषि परियोजना  जोन ,ज्ञानकेन्द्र लगायत कृषि सम्बन्ध संस्था हरुलेले नगरको  कृषि विकासमा टनेल, सिंचाई,युभि प्लाष्टिक, मल्चिङ प्लाष्टिक,बायोटिन चुन,ई एम तथा ट्याक्टरमा अनुदान दिदै आएको छ। 
यति हुँदा पनि खेतिमा लागत अधिक हुँदै आइरहेकोले थाहा नगरपालिका वडा न ६ स्थित कुन्छाल कृषि सहकारीद्वारा "लागत घटाऔ उत्पादन बढाऔ ,परिश्रम तपाईंको प्रविधि हाम्रो " भन्ने नारा सहित यस बर्ष देखि  सहकारीका सदस्यहरु हरुलाई प्राबिधिक सेवा प्रदान गर्ने कार्यक्रम तय गरेको छ।२१ फागुनमा भएको कृषि अभीमुखीकरण कार्यक्रममा संस्थाले उक्त कार्यक्रम गर्न लागेको जानकारी दिएको हो।
खेतिमा लागत घटाइ,उत्पादनमा वृद्धि गर्नको निम्ति र थोरै लागत खर्चमा अधिक आम्दानी लिनको लागि सहकारीले यस्तो कार्यक्रम लेराएको अभिमुखीकरण कार्यक्रम  संयोजक प्रमोद जोशीले बताउनुभयो ।जोशीका अनुसार समयमा सहि तरिकाले  किरा र रोगको पहिचान गरी  आवश्यक बिषादीको मात्र प्रयोग गरेर लागत घटाउन सकिने भनाइ रहेको छ।
अभिमुखिकरणमा कृषकहरुले यस क्षेत्रमा तरकारीखेती गर्दा एग्रो व्यापारीको राय र सल्लाह अनुसार पसलेको मात्रा अनुसार किटनाशक तथा ढुसी नाशक बिषादी प्रयोग गर्ने गरेको किसान हरुको भनाइ रहेको छ । कार्यक्रममा आवश्यकता भन्दा बढी मल बिषादी प्रयोग गर्नु पनि लागत बढनु हो भन्ने कुराको जानकारी कृषकहरु लाई जानकारी गराइयको थियो।
संस्थाका अध्यक्ष बिक्रम जोशीको अध्यक्षतामा संचालित कार्यक्रममा ३० जना अगुवा कृषकहरूको  भेलामा उपस्थिति रहेको थियो। कार्यक्रम ब्यबस्थापक प्रेम गोपालीले संचालन गर्नुभएको थियो।