थाहामा च्वाईसले गरे विस जनालाई नगद सहित सम्मान 

  मकवानपुर, थाहा नगरपालिकामा पुरस्कार तथा सम्मान कार्यक्रम सम्पन्न भएको छ ।  शिखर बचत तथा ऋण सहकारी संस्था लि को अयोजनामा आज बुधबार पुरस्कार वितरण कार्यक्रम गरिएको हो  । थाहानगरपालिका ३ विकासघरमा च्वाईस नेपाल र मेन्टोर्स इन्टरनेस्नलसंगको सहकार्यमा उक्त कार्यक्रम  सम्पन्न  भएको हो । 
 थाहानगरपालिकाका उपप्रमुख खड्ग गोपालीको प्रमुख अतिथ्यतामा भएको कार्यक्रममा उत्कृष्ट विस  जनालाई पुरस्कार तथा सम्मान  गरेको हो ।  कृषि तथा विभिन्न क्षेत्रमा व्यावसाय गर्दै आएका व्यावसायहरुलाई सम्मान सहित नगद पुरस्कार वितरण गरिएको हो । जसमध्ये यस वर्षका उत्कृष्ट कृषक केदार रायमाझीलाई ३३ हजार बराबारको टनेल वितरण गरिएको च्वाईस नेपालका मकवानपुर प्रतिनिधि प्रताप घिमिरेले जानकारी दिए  ।  
पुरस्कृत अन्य १९ जनालाई १० हजार बराबरको जिन्सि समान को खरिद पछि शिखर बचत तथा ऋण सहकारी संस्था लि बाट नगद पाउने व्यावस्था गरिएको छ ।  पुरस्कृत भएका कृषक तथा व्यवासयहरु विष्णु बि क, सहदेव सिं कार्की, रामसरण विष्ट, प्रताप विष्ट, सोमराज गोपली, गणेश प्रसाद विष्ट, हरिहर ढकाल, कासिराम थापा, किरण स्याङतान, नवराज कार्की, मनसिं पाख्रिन, रेबिका केसी, पार्वती श्रेष्ठ लगायतलाई पुरस्कृत तथा सम्मानित गरिएको थियो ।  
२०७५ बैशाख देखि च्वाईस नेपाल तथा  मेन्टोर्स इन्टरनेस्नल र शिखर बचत तथा ऋण सहकारी संस्था लिसंग सहकार्य गदैआर्थिक सहयोग गरि सिपमुलक तालिम दिदै आइरहेको मकवानपुर प्रतिनिधि घिमिरेले बताए ।   
पुरस्कार वितरण कार्यक्रमलाई सम्बोधन गर्दै हरेक वर्ष हरेक क्रियाकलापमा च्वाईस नेपालसंग सहकार्य गर्दै आईरहेको  कार्यक्रमको सभाध्यक्ष शिखरबचत तथा ऋण सहकारी संस्था लि का अध्यक्ष मधुसुदन विष्टले जानकारी दिनुभयो । उहाँले कृषि क्षेत्रमा लगानीको लागि उक्त संस्थासंग  सहकार्य गर्दै कृषि क्षेत्रलाई बलियो बनाउन सकिने धारणा व्यक्त गर्नुभयो । 
कार्यक्रममा च्वाइस नेपाल फिल कोडीनेटर भेश्वगल जि.सी, फरक सोच अभियानका अभियान्ता यादव जंग रायमाझी, थाहा नगरपालिका वडा नं ३ का वडा अध्यक्ष राजेश केसी, कुण्डल देवी बहुउदेश्यीय सहकारी संस्था लि का व्यावस्थापक राजन मिश्रा, सञ्चारकर्मी लगायतको उपस्थिती रहेको थियो ।  फाेटाे