हेटौंडामा आइपुग्यो चार सय पीसीआर किट, रोकिएको कोरोना परिक्षण सुरु

संघीय सरकारले बागमती प्रदेश सरकारलाई कोरोना भाइरस (कोभिड १९) को परिक्षणका लागि पीसीआर किट उपलब्ध गराएको छ । किट अभावले कोरोना परिक्षण समेत रोकिएको थियो । आजबाट भने कोरोना जाँच सुरु भएको प्रदेशको सामाजिक विकास मन्त्रालयका सूचना अधिकारी तथा चिकित्सा विभागका प्रमुख डाक्टर पुरुशोत्तम सेडाईले जानकारी दिनुभयो ।

हिजो मात्र हेटौंडाको ल्यावका लागि ४ सय किट प्राप्त भएको उहाँले जानकारी दिनुभयो । परीक्षण किट अभावमा हिजो हेटौंडामा कोरोना जाँच रोकिएको थियो। संघीय सरकारले वागमती सरकारलाई उपलब्ध गराएको पीसीआर र आरडीटी दुवै किट सकिएको थियो । यसअघि संघीय सरकारले पाँच सय पीसीआर किट दिएकोमा सवै किट सकिएर परिक्षण समेत रोकिएको थियो ।

हेटौंडा–१० स्थित कीटजन्य रोग अनुसन्धान तथा तालिम केन्द्रको पीसीआर मेसिनमा परीक्षण गरिएका मध्ये हालसम्म चार जनामा कोरोना पुष्टि भएको छ । हेटौंडामा चैत २७ बाट मकवानपुर, सिन्धुली, बारा, पर्सा र रौतहटबाट स्वाब संकलन गरेर कोरोना परीक्षण गरिँदै आएको छ । ‘यो किट बजारमा उपलब्ध छैन । वाग्मती प्रदेशमा चितवन, धुलिखेल, टेकु र वीर अस्पतालमा पनि कोरोना परीक्षणको व्यवस्था मिलाइएको छ । जनपत्रबाट