हेटौँडा आईडलकाे उपाधि हात पारे  दिपकले 

मकवानपुरको हेटौँडामा आयोजित ‘राष्ट्रिय औद्योगिक व्यापार मेलाका अवसरमा आयोजना गरिएको ‘ जिपिएक्स हेटौँडा आईडल’ गायन प्रतियोगिताको नतिजा सार्वजनिक भएको छ । मेलामा  जारी हेटौँडा आईडलको उपाधि दिपक कालिराजले हात पार्न  सफल भएका  छन् ।पाँचजना प्रतिस्पर्धीलाई पराजित गर्दै कालिराजले हेटौँडा आईडलकोे उपाधि उचाल्न सफल भए  ।

त्यसैगरी दोश्रो विजय लामा तथा तेश्रो शुसान शाही ठकुरी भए । प्रतियोगितामा गायक संगीतकार शिखर सन्तोष, किशोर डंगोल र विजय कार्कीले निर्णायकको भूमिका निभाएका थिए । 
आईडलमा प्रथम हुनेले नगद ३५ हजार सहित ५ हजार बराबरको चन्द्रागिरी केबलकार टिकेट, द्वित्तिय हुनेले नगद २५ हजारसहित ५ हजार बराबरको चन्द्रागिरी केबलकार टिकेट र तृतिय हुनेले नगद १५ हजार सहित ५ हजार बराबरको चन्द्रागिरी केबलकार टिकेट प्राप्त गरेका छन् । प्रथम हुनेलाई मेलामा राखेका स्टलवालाहरुबाट पनि जिन्सी सामान पुरस्कारहरु रहेका छन् । आईडललाई वोन ट्राभल्सको तर्फबाट युएईदुबाई आउने जाने टिकटको व्यवस्था समेत गरिएको छ ।