स्वास्थ्यकर्मी हरुको लागी पोषण बिशेष तालिम सम्पन्न ।

थाहा नगर,१२ माघ/ स्वास्थ्यकर्मीको लागि बृहत पोषण विशेष प्याकेज(CNIS) सम्वन्धी ७ दिने तालिम कार्यक्रमको समापन भएको छ।

थाहा नगरपालिका स्वास्थ्य शाखाको आयोजनामा भएको तालिममको थाहा नगरपालिकाका प्रशासकीय अधिकृत अजित घिमिरेले समापन गरेका हुन । बिकास घरमा माघ ६ गतेदेखी संचालित तालिममा थाहा नगरभित्र कार्यरत स्वास्थ्यकर्मी हरुको सहभागिता रहेको थियो। सुनौलो हजार दिनमा आधारित रहेर गर्भवती अवस्था देखि २ बर्ष सम्मका बालबालिकाको आमा र बच्चाको पोषणको साथै बच्चाको शारीरिक र मानसिक विकासको लागि पोषण कत्तिको आवश्यक छ भन्ने कुराको समुदायमा सूचना प्रवाह गर्नको निम्ति तालिमको आयोजना गरिएको स्वास्थ्य शाखा प्रमुख मेघराज वलामीले बताए ।

तालिमलाई थाहा नगरपालिकाका स्वास्थ्यकर्मी चन्द्रदिप भुजेल र जोशीका शर्माले सहजीकरण गरेका थिय। तालिममा सिकेका कुराहरुलाइ प्रतिबद्ध भएर समाजमा लाने सहभागी हरुले बताएका थिय। पहिलो चरणमा १२  वटा वडाका स्वास्थ्यकर्मी हरुलाइ तालिममा सहभागी गराइयको र १६ गते देखि अर्को चरणमा बाकी स्वास्थ्यकर्मी हरुलाई तालिममा सहभागी गराउने स्वास्थ्य शाखाका सन्तोष केसीले जानकारी दिय।