विद्यालय स्वास्थ्य र पोषण कार्यक्रमको समिक्षा ,

विद्यालय स्वास्थ्य तथा पोषण कार्यक्रमको समिक्षा तथा योजना तर्जुमा कार्यक्रम सम्पन्न भएको छ।थाहा नगरपालिका स्वास्थ्य शाखाको आयोजनामा बिकास घर शिखरकोटमा थाहा नगरका सामुदायिक विद्यालय हरुको प्रतिनिधिहरु सङ समिक्षा कार्यक्रम सम्पन्न भयको हो।
कार्यक्रम लाई थाहा नगर स्वास्थ्य शाखा प्रमुख मेघराज बलामी तथा स्वास्थ्यकर्मी सन्तोष केसीले सहजीकरण गरेका थिय ।
समिक्षा गोष्ठीमा विद्यालय पढ्ने १ देखि १० कक्षा सम्मका विद्यार्थीहरुलाई जुकाको औषधी वितरण कार्यक्रमको बृस्तृत विवरण ,१० देखि १९ बर्ष सम्मका विद्यालयका किशोरीहरुलाई आइरन चक्किको वितरणको अवस्था ,दिवा खाजा वितरणमा उल्लेख भएको नगद बस्तुगत तथा टिफिन बकस मोडल,मैत्रीपुर्ण फर्निचर तथा उचित हावा र प्रकाशको आपूर्ति ,साबुनपानीको अवस्था र बालक्लव परिचालनको वर्तमान अवस्थाको बारेमा विद्यालय प्रतिनिधिहरु सङ अन्तरक्रिया तथा समिक्षा गर्दै आबश्यक योजना तर्जुमा गरियको थियो।
समिक्षामा उपस्थित प्रायः विद्यालयमा उल्लेखित कार्यक्रम हरु संचालन गरेको पाइयको तथापि किशोरीहरुको लागि आइरन चक्की भने विद्यालय नर्स संचालनमा आयका विद्यालयमा मात्र नियमित निरन्तरता रहेको पाइयको स्वास्थ्य शाखा प्रमुख मेघराज बलामीले जानकारी दिय।साथै अन्य विद्यालयमा पनि किशोरी लक्षित कार्यक्रम लाई निरन्तरता दिने प्रतिबद्धता प्राप्त भएको बलामीले बताए ।
कार्यक्रममा सहभागी विद्यालयका सहभागीहरुले दिवा खाजाको रकम अपुग रहेको गुनासो गरेका थिए,हाल थाहा नगरका सामुदायिक विद्यालयका १ कक्षा देखि ६ कक्षा सम्मका विद्यार्थीलाई दिवा खाजाको ब्यबस्था छ।
कार्यक्रममा नगरका २९ वटा सामुदायिक विद्यालयको सहभागी रहेको थियो।