वज्रबाराही बचत तथा ऋण सहकारी संस्थाको  अाठाैं साधारण सभा सम्पन्न

बज्रवाराही बचत तथा ऋण सहकारी संस्थाको ८ औं साधारण सभा अाज वज्रबाराहीमा सम्पन्न भएको छ  । 

थाहा नगरपालिका वडा नं. ६ वडा अध्यक्ष शशिधर सुवेदीको प्रमुख आतिथ्यतामा भएको कार्यक्रममा तथा संस्थाको अध्यक्ष तथा कार्यक्रम सभापति फडिन्द्र नाथ सुवेदीले संस्थाको वार्षिक प्रतिवेदन तथा भावि निति तथा कार्यक्रमहरु प्रस्तुत गर्नुभएको थियो । 

आर्थिक वर्ष २०७३/०७४ मा कुल ३ करोड ४९ लाख ५१ हजार को कारोबार गरेको संस्थाको खुद मुनाफा ४ लाख ८३ हजार ५ सय ३ रुपैंया ६४ पैसा रहेको छ । १ करोड ३ लाख ९५ हजार ९ सय शेयर पूँजी भएको संस्थाले आर्थिक वर्ष २०७४/०७५ सम्म १ करोड ५० लाख शेयर पूँजी बनाउने लक्ष्य लिएको संस्थाको अध्यक्ष फडिन्द्र नाथ सुवेदीले थाहापाटीलाई बताउनु भयो ।

साधारण सभाको अवसरमा संस्थालाई अतुलनिय योगदान दिने सदस्यहरू वसन्त सुवेदी, खड्ग बहादुर बलामी र पुण्यराज बलामीलाई सम्मान गरिएको छ भने संस्थामा १ हजार कित्ता शेयर खरिद गर्ने शेयर सदस्यहरुलाई शेयर प्रमाण पत्र वितरण गरेको छ । 

साधारण सभामा साना किसान कृषि सहकारीको केन्द्रिय समितिका लेखा संयोजक महेश्वर सुवेदी, जिल्ला सहकारी संघका संचालक तथा पालुङ बहुउद्देश्यीय सहकारी संस्थाका अध्यक्ष विमल कुमार ढकाल, मकवानपुर बचत संघको संचालक सदस्य विमला गोपाली लगायत विभिन्न सहकारी तथा संघ संस्थाका प्रमुख तथा प्रतिनिधिहरुको उपस्थिति रहेको थियो ।