राष्ट्रिय तीज दोहोरी प्रतियोगितामा ७० प्रतियोगि सहभागि हुने

हाम्रो घरद्धारा आयोजना हुन लागेको राष्ट्रिय तीज गीत प्रतियोगिताको तयारी पूरा भएको अयोजनकले जनाएको छ । प्रतियोगिता हरितालिका तीजको अवसरमा पछिल्लो समय युवा पुस्तामा लोकप्रिय बन्दै गएको क्लव हाउस प्रयोगकर्ताहरुको समूह ‘हाम्रो घर’ले आयोजना गर्न लागेको हो ।
भदौ १८आज शुक्रबार र १९ शनिबार आ्रतियोगितामा ७० जनाको सहभागिता रहने निश्चित भएको संयोजक रमेश अधिकारीले जानकारी दिनुभयो । ग्लोबल कन्सल्ट सिड्नी अष्ट्रेलियाको मुख्य प्रायोजनमा हुन लागेको प्रतियोगिता शुक्रबार अपरान्ह साढे ४ बजे र शनिबार पूर्वान्ह साँढे ११ बजेबाट प्रतियोगिता सञ्चालन हुने संयोजक अधिकारीले जानकारी दिनुभयो ।

प्रतियोगितामा शुक्रबार छनौट चरणमा छनौट चरणमा छानिएका प्रतिस्पर्धीले शनिबार फाइनल चरणका लागि प्रतिस्पर्धा गर्ने गरी कार्यक्रमको तयारी गरिएको प्रतियोगिता सहसंयोजक राम कंडेलले जानकारी दिनुभयो ।

सहभागीले प्रतियोगितामा जोडीगत रुपमा गरेको प्रतिस्पर्धाका आधारमा छनौट चरण, उत्कृष्ट १६, उत्कृष्ट ८, उत्कृष्ट ४ हुँदै प्रतियोगिताको प्रथम, द्वितिय, तृतिय, सान्त्वना निर्धारण गरिने कंडेलले जानकारी दिन्भयो । त्यस्तै प्रतियोगितामा विषेश प्रतियोगिलाई समेत पुरस्कारको व्यवस्था रहेको छ ।
प्रतियोगितामा प्रथम, द्वितिय, तृतिय र सान्त्वना हुनेले क्रमश नगद २५ हजार, १५ हजार, १० हजार र ५ हजार रुपैयाँ सहित प्रमाण–पत्र प्राप्त गर्नेछन् ।
प्रतियोगितालाई सफल बनाउन  डी क्याफे सिड्नी (अष्ट्रेलिया), एनआरएनए यूवा उप–संयोजक राजेश टण्डन (अष्ट्रेलिया), सोखिन न्यौपाने (अष्ट्रेलिया), लाली गुराँस रेमिटेन्स अष्ट्रेलियका गोकुल भण्डारी, अस्मिता अर्याल ९अष्ट्रेलिया०, पशुपति ढकाल (न्यूजिल्याण्ड)बाटले सह–प्रायोजकको भूमिका निर्वाह गर्ने भएका छन् ।

हाम्रो घरले नियमित रुपमा लोक दोहोरी गीत संगितलाई प्रर्वद्धन गर्ने उद्देश्यले नयाँ प्रतिभाहरुको प्रस्फुटन गराउने डिजिटल प्लेटफर्म उपलब्ध गराउँदै आएको संयोजक तथा क्रियटर रमेश अधिकारीले जानकारी दिनुभयो । अधिकारीले यस्तै किसिमका प्रतियोगिता यस अघिपनि सञ्चालन गर्ने गरिएको समेत जानकारी दिनुभयो ।  प्रतियोगिता सम्पन्न हुन करिब १ लाख ५० हजार खर्च लाग्ने अनुमान गरिएको आयोजकले जनाएको छ ।