मिर्गौला रोगीको उपचारका लागि जनकल्याण माविका शिक्षक,विद्यार्थी द्वारा आर्थिक सहयोग

रकम हस्तान्तरण गर्दै शिक्षक हरु

भोलिको दिनमा के हुन्छ,कसलाई के थाहा! सन्दर्भ हो थाहा नगरपालिका वडा नं.४,दामन स्थायी घर भएका होटेल व्यवसायी सप्तरत्न मानन्धरको, अधिकांस मान्छेहरुको निम्ति सप्तरत्न मानन्धर एक चिरपरिचित नाम हो। उनी एक सफल होटेल व्यवसायी,शिक्षक,सामाजिक कार्यकर्ता थिए।
सुरुका दिनमा उनले दामन स्थित श्री ॠषेश्वर प्रा.वि.मा केही वर्ष अध्यापनको पनि काम गरेका थिए,पछि दामनमा नै होटेल व्यवसायको थालनी गरेका मानन्धरको आर्थिक स्थिति त्यो समय अन्य स्थानीहरुको भन्दा धेरै राम्रो थियो,उनले संचालन गरेको होटेलको नाम  होटल दामन हो। बि.सं.२०४५ देखि २०६२ सम्ममा राम्रो आम्दानी  गरि  स्थापित भएको  त्यो नाम चलेको  होटेल अहिले बन्द  अवस्थामा आईपुगेको छ। कारण हो उहाँको स्वास्थ्य समस्या। अनेक थरीका रोगले ग्रसित भएकै कारण उनी आर्थिक रुपले पनि पिडित हुन पुगेका छन् ।

उनी पहिले देखिनै प्रेसर अनि सुगर रोगको बिरामी थिए पछि दुबै मृगौला फेल भयो र अनि एक्कासि अस्पताल भर्ना हुनुपर्ने अवस्था आयो। पाटन अस्पतालमा उपचार गरे पश्चात् ,उनि अहिले ४ बर्ष देखि नियमित डाईलाईसिस गर्न काठमाडौ जाने गरेका छन् तर हालसम्म मृगौला प्रत्यारोपण भने भएको छैन।अत्यन्त आर्थिक अभावको कारण चन्दा सहयोगबाट उनको उपचार खर्च धानिदै आएको छ।

 नियमित डायलाइसिसका लागि काठमाडौं धाउन बाध्य मृगौला रोगी दामनका सप्तरत्न मानन्धरलाई थाहा नगरपालिका–३ मा अवस्थित जनकल्याण माध्यमिक विद्यालयका शिक्षक तथा विद्यार्थीहरुले आर्थिक सहयोग गरेका छन्।

अत्यन्तै कमजोर आर्थिक अवस्थाका कारण चन्दा सहयोगबाट उपचार खर्च धान्दै आएका ती बिरामीलाई विद्यालयले पच्चीस हजार आठ सय  दस रुपैयाँ सहयोग गरेको हो।

विद्यालयका प्रधानाध्यापक सानोभाइ कार्कीको नेतृत्वमा उक्त रकम विद्यालय परिसरमै बिरामी मानन्धरलाई हस्तान्तरण गरिएको थियो।

 प्रधानाध्यापक कार्कीले सामाजिक उत्तरदायित्व अन्तर्गत विद्यालयले यस्ता मानवीय कार्यमा निरन्तर सहयोग गर्दै आएको बताए। साथै, उनले सम्पूर्ण विद्यार्थी र शिक्षकहरुको सक्रिय सहभागिताका लागि धन्यवाद व्यक्त गरे।

विद्यालयको यस पहलले समुदायमा सकारात्मक सन्देश प्रवाह गर्नुका साथै सहानुभूतिपूर्ण भावना विकासमा समेत योगदान पुर्याउने विश्वास लिइएको छ।
यहाँहरु पनि सहयोग गर्न चाहनुहुन्छ भने निजको मोबाईल नम्बर ९८४५०७०५४९ सम्पर्क गर्न सक्नुहुनेछ।