मकवानपुरको उत्तरी क्षेत्रमा ८४३ जना आँखाका विरामी, १०२ जनामा मोतिविन्दु भेटियो 

मकवानपुरको उत्तरी क्षेत्रमा रहेको थाहा नगरपालिकामा आँखा शिविर सम्पन्न भएको छ । शिविरमा ८४३ जना आँखाका विरामीहरुको जांच गरिएको छ । शिविरमा मोतिया विन्दुका विरामीको निशुल्क शल्यक्रिया गरिएको छ । 
हेटौडा सामुदायिक आंखा अस्पताल अन्तर्गत थाहा नगरपालिकामा संचालित तिलगंगा सामुदायि आंखा केन्द्रमा निशुल्क आंखा शिविर संचालन गरिइको थियो । शिविरमा  मोतिविन्दुका विरामीहरु १०२ जना भेटिएको डा. श्याम व्यासले जानकारी दिएका छन् । जसमध्य ८४ जना मोतिविन्दुका विरामीहरुको निशुल्क शल्यक्रिया गरिएको छ । मोतिविन्दुका विरामीहरुलाई केन्द्रमा ल्याई निशुल्क शल्यक्रिया गरीएको थियो ।
उत्तरी क्षेत्रका थाहा नगरपालिका, कैलास गाउपालिका र इन्द्रसरोवर गाउपालिकामा सञ्चालन शिविरमा तिलगंगा सामुदायि आंखा केन्द्रमा पालुङमा ३० जना मोतिविन्दुका विरामीहरु भेटिएको सुशिल सिंले जानकारी दिए । त्यस्तै कैलासको डांडाखर्कमा १० जना , गोगनेमा ८ जना, थाहाका देउखेलमा ७ जना , बज्रबाराहीमा १० जना , दामनमा १४, नौखण्डेमा  ७ जना र  इन्द्रसरोवर फाखेलमा १७ जना , मोतिविन्दुका विरामीहरु भेटिएको जानकारी दिए । 
भिजन हिमालय फाउण्डेशनको सहयोगमा संचालित शिविरमा तिन महिना देखि दुवै आंखा नदेख्ने जनकला शाहीको शल्यक्रिया पश्चात आंखा देख्दा निकै हर्षित थिइन । नेत्ररोग विशेषज्ञ डा. श्याम व्यास लगायतको टोलीले ९३ वर्षिय खडानन्द विडारी लगायत अन्य विरामीहरुको मोतिविन्दुको शल्यक्रिया गरिएको थियो ।