बाल सपना परियोजनाको अन्तिम मुल्यांकनको उपलब्धि बारे छलफल ।

एकीकृत ग्रामीण विकास सेवा मकवानपुर तथा प्लान इन्टरनेशनल द्वारा साझेदार " बालबालिका नै राष्ट्रका भबिश्य हुन" भन्दै बिगत ३ बर्ष देखि थाहा नगरपालिका स्वास्थ्य शाखा संगको सहकार्यमा संचालित सुनौला हजार दिन अन्तर्गत बाल सपना कार्यक्रमको अन्तिम मुल्यांकन तथा परियोजनाअन्तर्गतको उपलब्धि बारे छलफल तथा अन्तरक्रिया कार्यक्रम सम्पन्न भएको छ।

पाइनस होटल नयाँगाउँ मा आयोजित कार्यक्रममा थाहा नगर भित्र रहेका गर्भवती तथा शिशु स्याहारमा आमाको मात्र भुमिका नभएर परियोजना संचालन भएयता तेस्ता कार्यमा पुरुष तथा घरका सासू ससुराको समेतमा सहभागिता बढ्दै गएको पाइयको परियोजनामा संलग्न परिचालक हरुले अनुभव सुनायका थिय।कार्यक्रममा बाल सपना परियोजना बाहेक संस्थाले संचालन गरेको अभिभावक शिक्षाको प्रभावकारिता उपलब्धि बारेमा जानकारी गराइयको थियो।कार्यक्रममा स्वास्थ्य स्वयंसेविका हरुले थाहा नगरपालिकामा अभिभावक हरुले आफ्ना नानिबाबु लाई गर्ने ब्यबहारमा परिवर्तन आयको बताउदै बच्चाहरुको बोलचाली ,पढाई ,खानपिनमा परिवर्तन आयको र यो यसै परियोजनाको कार्यक्रमको उपलब्धि रहेको औल्याउँदै अभिभावक र बच्चाहरु दुबैको ब्यबहारमा परिवर्तन आयको बताउदै ,अब बिस्तारै समाज परिवर्तन हुने बिश्वास ब्यक्त गरे।

कार्यक्रममा,थाहा नगरका उपप्रमुख भरत गोपाली, वडा न ३ का अध्यक्ष हिरेन्द्र रायमाझी ,४ का अध्यक्ष नारायण लामा, ५ का बिष्णु बहादुर गुरुङ,सामाजिक बिकास शाखा थाहा नगरका शाखा प्रमुख अनिल लामिछाने ,एकीकृत ग्रामीण बिकास सेवा मकवानपुरका सचिव मिनराज पौडेल ,संस्थाकै कार्यक्रम प्रमुख संजिव कुमार जोशी ,थाहा नगर स्वास्थ्य शाखाका प्रमुख मेघराज बलामी,थाहा नगर शिक्षा शाखाका प्रमुख शोभाकर रेग्मी,प्लान इन्टरनेशनल काठमाडौका अनुगमन तथा मुल्यांकन प्रमुख दिपा सिं ,प्लानका बाल परियोजनाका मिहिर कुमार झा लगायत स्वास्थ्य स्वयंसेविकाहरु,स्वास्थ्यकर्मी हरु,परियोजनाको अभिभावक शिक्षामा सहभागी ,सामाजिक परिचालक हरुको उपस्थिति रहेको थियो।

कार्यक्रममा थाहानगरको परियोजनाको मुल्यांकन गर्दै प्लानका मुल्यांकनकर्ता दिपा सिं ले अभिभावकले आफ्ना बालबालिका संग गरेका सकारात्मक अन्तरक्रिया ,बालबालिका माथी अभिभावकको हिंसाको प्रयोगमा न्यूनीकरण आयको ,बालबालिकाले आफुमाथी हुने हिंसाको रिपोर्ट गर्ने कार्य बढेको,३ बर्ष मुनिका बालबालिकाहरुको गतिबिधी अभिभावकले पहिचान गर्न सकेको,अभिभावक हरुले बालबालिकाको स्वास्थ्य र पोषणको बारेमा ख्याल राख्ने कुरामा वृद्धि भएको लगायत परियोजनाले जारी गरेको सुचकको प्रभाव बारेमा अन्तिम मुल्यांकन प्रस्तुत गरेका थिय।