प्रारम्भिक बालबिकासका लागि अभिभावक शिक्षा सम्बन्धि समिक्षा बैठक सम्पन्न ।

थाहा नगरपालिकाको आयोजना तथा प्लान इन्टरनेशनल र एकीकृत ग्रामीण बिकास सेवा मकवानपुरको साझेदारीमा प्रारम्भिक बालबिकासका लागि अभिभावक शिक्षा सम्बन्धि समिक्षा बैठक सम्पन्न भएको छ।
थानाबजारको गङ्गा होटलमा सम्पन्न कार्यक्रम थाहा नगरपालिका सामाजिक बिकास शाखा प्रमुख अनिल लामिछानेको अध्यक्षता तथा स्वास्थ्य शाखा प्रमुख मेघराज बलामेले संचालन गरेको समिक्षा बैठकमा प्रदेश स्वास्थ्य निर्देशनालय बाग्मती प्रदेश निर्देशनक महेश्वर श्रेष्ठ ,डा नरेन्द्र कुमार झा ,स्वास्थ्य निर्देशनालयका शाखा अधिकृत जगन्नाथ दाहाल प्लान नेपालको कार्यक्रम बिज्ञ मिहिर कुमार   झा,एकीकृत ग्रामीण बिकास सेवा मकवानपुरका सचिब मिनराज पौडेल ,कार्यक्रम सम्योजक सन्जिव कुमार जोशी ,महिला स्वास्थ्य स्वयंसेविका ,स्वस्थ्य संस्थामा कार्यरत स्वास्थ्यकर्मी ,आमा समुह संचालकको उपस्तिथि रहेको थियो।
समिक्षा कार्यक्रममा आफ्नो भनाइ राख्दै बागमती प्रदेश स्वास्थ्य निर्देशनालयका निर्देशक महेश्वर श्रेष्ठले थाहाका थप कार्यक्रम हरुमा निरन्तर उपस्तिथि जनाउने बताउदै ,नगरले चालेका स्वास्थ सम्बन्धि कार्यक्रम लाई महत्वका साथ हेरिने बताउदै ,स्वास्थ्य सम्बन्धि कार्यक्रममा बजेट भन्दा पनि कामले प्रभाव देखाउने हुदा काममा जोड दिन स्वास्थ्यकर्मी हरुलाइ आग्रह गर्नुभयो निर्देशक श्रेष्ठले बच्चा हरुमा आयको सकारात्मक परिवर्तन नै कार्यक्रमको नतिजा भएको हुदा प्रारम्भिक बाल बिकास कार्यक्रम को लागि प्रदेश स्वास्थ 
 निर्देशनालय बाट सक्दो सहयोग भैरहने बताउनुभयो।
समिक्षा बैठकमा थाहा नगरभित्र जन्मेका बच्चा हरुको परिवर्तन अध्ययन तथा सकारात्मक र नकारात्मक प्रभावको समिक्षा,अभिभावकको भुमिका लगायत बच्चा हरुको मनोबैज्ञानिक असर सम्बन्धि गरेका कार्यहरुको समिक्षा  गरीयको थियो।