पूर्व नगरप्रमुख लवसेर बिष्ट विरुद्ध सामाजिक संजालमा योजनाबद्ध प्रहार राजनीतिक प्रतिशोधको संज्ञा

थाहा नगरपालिका, मकवानपुर — नेपाल कम्युनिष्ट पार्टी (माओवादी केन्द्र) थाहा नगर समितिले एक प्रेस विज्ञप्ति जारी गर्दै थाहा नगरका पूर्व नगरप्रमुख लवशेर बिष्टमाथि सामाजिक संजालमा लाएको तथ्यहिन आरोपप्रति गम्भीर आपत्ति जनाएको छ। अध्यक्ष विनोद कुमार लामा द्वारा हस्ताक्षरित विज्ञप्तिमा पुर्व प्रमुख तथा पार्टीका थाहा नगर इन्चार्ज बिष्टलाई जनताको पक्षमा इमान्दारीपूर्वक काम गर्ने लोकप्रिय, सक्षम तथा स्वाभिमानी नेताका रूपमा चित्रण गर्दै हाल उनमाथि लगाइएको आरोपलाई राजनीतिक प्रतिशोधको रूपमा व्याख्या गरिएको छ।

‎विज्ञप्तिमा भनिएको छ कि बिष्ट नेतृत्वको पालामा थाहा नगरपालिकाले योजनाबद्ध रुपमा थुप्रै विकास कार्यक्रम सञ्चालन गर्दै नगरवासीको जीवनस्तर सुधारमा महत्वपूर्ण योगदान पुर्याएको थियो। तर पछिल्लो समय केही राजनीतिक शक्ति तथा व्यक्तिहरूले विगतको असहजता र राजनीतिक पूर्वाग्रहको आधारमा योजनाबद्ध रुपमा बिष्टलाई बदनाम गर्न खोजेको आरोप लगाइएको छ।

‎यसै सन्दर्भमा, थाहा नगरपालिकाको अक्सिजन प्लान्टको बिषयमा २०७९ बैशाख १२ मा  प्लान्ट खरिदको लागि बोलपत्र आह्वान भएको देखिने र सोही बैशाख २२ गते नै नगर प्रमुख बाट राजिनामा दिएको स्मरण गर्दै  तत्पश्चात असार ७ गते खरिदको लागि आसयको सूचना प्रकाशित भएको र असार २१ गते शुभारम्भ सर्भिस ट्रेडस संग सम्झौता गरि १२ लाख रुपैयाँ मोबिलाइजेसन बापत भुक्तानी भएको देखिन्छ भन्दै माओवादी थाहाले खरिद प्रक्रिया मेयर बिष्टको राजिनामा पछि सुरुभएको स्पष्ट हुदाहुदै राजनैतिक प्रतिशोधको रुपमा सामाजिक संजालमा तथ्यहिन र पुर्वाग्रही ढंगले चरीत्र हत्या गरेकोमा माओवादी केन्द्र थाहा नगरको गम्भीर ध्यानाकर्षण भएको बिज्ञप्तिमा जनाइएको छ।हेर्नुस बिज्ञप्ति