पालुङ बितरण केन्द्रमा स्थानियको डेलिकेसन

०९ असोज, २०७५
नेपाल विद्युत प्राधिकरण पालुङ बितरण केन्द्रमा आज कैलास गाउँ पालिका वडा नम्बर ५ र ६ का स्थानियले अवरुद्घ बिद्दुत समस्या समाधान लगायतका माग सहित डेलिकेसन आएका छन् ।
बिगत २२ दिन देखि बिद्दुत आपूर्ति नभएर दिक्क भएका स्थानियहरु सबारी भाडामा लिएर आएका हुन । चाड बाड नजिकै आइसक्यो २२ दिन देखि अँध्यारोमा बसिरहेका छौ, प्राधिकरणमा पटकपटक जानकारी दिंदा पनि सुनुवाइ नभएपछि आउनु परेको स्थानीय अगुवा तिलक बहादुर गुरुङले गुनासो गर्नुभयो ।
बत्ती नबलेको सङै, जिर्ण भएको काठका पोल हटाउनु पर्ने, मिटर रिडिङ समयमा नै हुनुपर्ने, बेला बेलामा मर्मत तथा अनुगमन हुनु पर्ने भन्दै केन्द्र प्रमुख सन्तोष पन्त समक्ष माग राखेका थिए ।

स्थानीयको मागको बारेमा बोल्दै केन्द्र प्रमुख पन्तले ट्रान्सर्फमर जलेर मर्मतको लागि केन्द्रिय वर्कसप हेटौंडा लगिएको र आगामी ७ दिन भित्र जडान गरिदिने बताउनु भयो ।
प्राधिकरण ले वास्ता नगरेकोले बाध्य भएर आउनु परेको कैलास ५ गोगनेका गोपाल पौडेलले बताउनु भयो ।
प्राधिकरण ले भने ७ दिन भित्रमा २५ केभिएको ट्रान्सर्फमर हाल्ने र जिर्ण अबस्थामा रहेको काठका पोललाई बिस्थापित गर्ने प्रतिबद्धता जनाएको छ। 
पटक–पटक प्रतिवद्घता जनाउने, समति जनाउने तर काम नगर्ने गरेको कारण स्थानिय धेरै मर्कामा परिरहेका छन् ।
—शम्भु अधिकारी