पालुङ बहुउद्देश्यीय सहकारीले मनायो १९ औं स्थापना दिवस

पालुङ बहुद्देश्यीय  सहकारी संस्थाले आफ्नो १९ आंै स्थापना दिवस विभिन्न कार्यक्रम गरि मनाइएको छ ।
   थाहा नगरपालिकाका प्रमुख लवशेर विष्टको प्रमुख आतिथ्यता तथा संस्थाका अध्यक्ष विमलकुमार ढकालको सभाध्यक्षतामा भएको कार्यक्रममा बृद्घ-बृद्घा सम्मान, आदर्श दम्पति सम्मान, सुत्केरी सम्मान तथा रक्तदान कार्यक्रम सम्पन्न भएको छ र्।
    कार्यक्रममा प्रमुख अतिथि नगर प्रमुख विष्टले बृद्घबृद्घानै यो समाजको खम्बा भएको हुनाले वृद्ध बाआमालाई सदैव सम्मान गर्नु पर्ने बताउनु भयो । बृद्घबृद्घालाई कार्यक्रममा मात्र नभइ घर परिवार समाजले स“दैब सम्मान गर्नुपर्ने बताउँदै सहकारीको सह्रानीयकार्यको प्रशंसा गर्दै सफलताको शुभकामना व्यक्त गर्नु भएको थियो ।
  कार्यक्रममा शुभकामना मन्तव्य व्यक्त गर्ने क्रममा थाहा स्वास्थ्य सहकारीका अध्यक्ष हरिकृष्ण कार्कीले युवापुस्तालाई विदेशीनबाट रोक्नका लागि युवा लक्षित कार्यक्रम ल्याउनु जरुरी भएको बताउनु भएको थियो ।
   स्थापना दिवसको अवसरमा रक्तदान कार्यक्रम गरिएको थियो । साथै संस्थाले बिभिन्न शेयर सदस्यहरुलाई सम्मान गरेको थियो । सम्मानित हुनेमा आदर्श दम्पति अर्न्तर्गत  थाहा नगरपालिका -२ का राधिका थापालाई सम्मानित गरिएको थियो । त्यसैगरी जेष्ठ सदस्य अर्न्तर्गत  माइली विष्ट, ठूलो नरबहादुर प्रधान, रामप्रसाद ढकाल, गंगादेवि शिकारी, धनलाल गोपाली र रामबहादुर कार्कीलाई सम्मान गरिएको थियो ।  साथै स्वास्थ्य संस्थाबाट सुरक्षित रुपमा सुत्केरी गराएका १० सुत्केरी महिलालाई न्यानो झोला वितरण गरिएको थियो । 
   कार्यक्रममा बिभिन्न राजनैतिक दलका प्रतिनिधि, निर्वाचित वडा अध्यक्ष लगायत विभिन्न संघसंस्थाका प्रतिनिधिको आतिथ्य रहेको थियो ।
   संस्थाका सचिव बिष्णुप्रसाद ढकालले सञ्चालन गरेको कार्यक्रममा सञ्चालक समितिका उपाध्यक्ष सानोभाइ कार्कीले स्वागत गर्नु भएको थियो भने कोषाध्यक्ष कृष्णबहादुर विष्टले सहकारीको गतिविधि सम्बन्धी जानकारी दिनु भएको थियो ।