नेपाल हृदयरोग प्रतिष्ठान थाहा इकाईको दोस्रो साधारणसभा सम्पन्न

नेपाल हृदयरोग निवारण प्रतिष्ठान थाहा नगर इकाईको दोस्रो वार्षिक साधारणसभा शिखरकोटको बिकास घरमा सम्पन्न भएको छ।
प्रतिष्ठान थाहा नगर इकाईका अध्यक्ष विमल कुमार ढकालको अध्यक्षता तथा नेपाल हृदयरोग निवारण प्रतिष्ठान हेटौंडा शाखाको वरिष्ठ उपाध्यक्ष धुर्व भुजेलको प्रमुख आतिथ्यतामा साधारणसभा सम्पन्न भएको हो।
साधारणसभामा नेपाल हृदयरोग प्रतिष्ठानका मकवानपुर जिल्ला कोषाध्यक्ष अनिता न्यौपाने,एशोसियट सदस्य यादव गजुरेल,शिवराम शाही,निवर्तमान अध्यक्ष हरीकृष्ण कार्की,पालुङ बहुउद्देश्यीय सहकारी संस्थाका अध्यक्ष कृष्ण बहादुर बिष्ट,थाहा नगर उद्योग वाणिज्य संघका अध्यक्ष पुरुषोत्तम ढकाल,थाहा २ का पुर्व वडा अध्यक्ष गुप्त बहादुर कार्की,नेकपा एमालेका नगर सचिव सुजन रायमाझी,च्वाइस नेपालका कुल प्रसाद तिवारी लगायतका अतिथिहरुको उपस्थिति रहेको थियो।
साधारणसभामा अध्यक्षको प्रतिवेदन प्रस्तुत गर्दै अध्यक्ष ढकालले प्रतिष्ठान लाई निश्चित ठाउँ बिशेष भन्दा पनि नगरपालिकाको कुनाकुना सम्म फैलाउन जरुरी रहेको बताउदै 'मन लगाऔं मुटु बचाऔं' भन्ने नारालाई सार्थक तुल्याउन थाहा नगर प्रतिष्ठान लागिरहेको प्रतिवेदन प्रस्तुत गरे।
साधारणसभामा प्रतिष्ठानका कोषाध्यक्ष सरोज बिष्ट द्वारा २ लाख ९८ हजार रुपैयाँको आर्थिक प्रतिवेदन प्रस्तुत गरेका थिए।